சென்னை மாநகரில் வீட்டு நாய்களுக்கு மைக்ரோ சிப் பொருத்த வேண்டும் என சென்னை மாநகராட்சி உத்தரவிட்டுள்ளது. தற்போது நாடு முழுவதும் தெருநாய்கள் பிரச்சனை அதிகமாகி கொண்டே வருகிறது. சமீப காலமாக தமிழ்நாடு சென்னையில் தெரு நாய்கள் ஆதிக்கம் அதிகமாகியுள்ளது. குழந்தைகள் மற்றும் பெண்களை துரத்தி துரத்தி நாய்கள் கடிக்கும் வீடியோ வலையதளத்தில் அதிகமாக பரவி வருகிறது. சமீப நாட்களில் நீயா நானா நிகழ்ச்சியில் தெரு நாய்கள் விவகாரம் பேசப்பட்டு பெரும் வைரலாகி வந்தது.
தெரு நாய்களை அப்புறப்படுத்த வேண்டும் என்று ஒரு பக்கமும். நாய் பிரியர்கள் எதிர்ப்பு தெரிவித்தும் பேசினர். தெரு நாய்கள் மட்டுமில்லாமல் வீட்டு நாய்களும் ஆபத்தை விளைவிக்கும். சென்னையில் 30 கால்நடை மருத்துவர் குழுவை அமைத்து தெரு நாய்களுக்கு ரேபிஸ் தடுப்பூசி போட்டு வருகின்றனர். தடுப்பூசி போட்டு அடையாளத்திற்காக மை வைக்கப்பட்டும் வருகின்றனர். அதேபோல் வளர்ப்பு நாய்களை வீட்டை விட்டு வெளியே கூட்டிச் சென்றால் வாய்மூடி இருக்க வேண்டுமாம். தவறினால் ரூபாய் 3000 அபராதம் விதிக்கப்படும் என்று சென்னை மாநகராட்சி எச்சரித்து உள்ளது.