“விஜய்யை வாழ்த்தினால் தப்பா..?” இதுதான் உண்மையான தலைமை… சாதி, மதம் இல்லாத அரசியலே எனது விருப்பம்… தவெக-வுக்கு ஆதரவாக அஸ்வின் வீசிய அனல் பறக்கும் கருத்துகள்..!!!

தமிழக வெற்றிக் கழகத் தலைவர் விஜய்க்கு வாழ்த்துத் தெரிவித்ததற்காக எழுந்த விமர்சனங்களுக்குப் பிரபல கிரிக்கெட் வீரர் அஸ்வின் தற்போது பதிலளித்துள்ளார். தான் எந்தக் குடும்பத்தில் பிறக்க வேண்டும் என்பது தனது கையில் இல்லை என்றும், ஆனால் நல்ல பெற்றோரிடம் பிறந்தது தனது அதிர்ஷ்டம் என்றும் அவர் குறிப்பிட்டுள்ளார். மற்றவர்களின் கஷ்டத்தைப் புரிந்துகொண்டு அவர்களை முன்னேற்றுவதுதான் உண்மையான தலைமை எனத் தனது பெற்றோரும் ஆசிரியர்களும் கற்றுக்கொடுத்ததாக அவர் தெரிவித்துள்ளார்.

வாரிசு அரசியல், குடும்பம் மற்றும் சாதி பற்றிப் பேசாத நிலை ஒரு நாள் உருவாக வேண்டும் என்பதே தனது விருப்பம் என்று அஸ்வின் உருக்கமாகத் தெரிவித்துள்ளார். அரசியலில் நிலவும் வாரிசு ஆதிக்கம் குறித்த விமர்சனங்களுக்கு மத்தியில், அஸ்வின் முன்வைத்துள்ள இந்தக் கருத்து சமூக வலைதளங்களில் பெரும் விவாதத்தை ஏற்படுத்தியுள்ளது. ஒரு குடிமகனாகத் தனது நிலைப்பாட்டைத் தெளிவுபடுத்திய விதம் பலரின் கவனத்தை ஈர்த்துள்ளது.

அஸ்வினின் இந்தப் பதில் தற்போது இணையத்தில் பேசுபொருளாகியுள்ளது. விஜய்யின் அரசியல் வருகையைத் தொடர்ந்து பல்வேறு துறையைச் சார்ந்த பிரபலங்களும் தங்களது கருத்துகளைத் தெரிவித்து வரும் நிலையில், அஸ்வின் மீதான விமர்சனமும் அதற்கான அவரது விளக்கமும் தவெக தொண்டர்களிடையே வரவேற்பைப் பெற்றுள்ளது. குறிப்பாக, சமூக மாற்றத்திற்கான அவரது பார்வை ஆரோக்கியமான விவாதங்களைத் தொடங்கி வைத்துள்ளது.