தமிழ் திரையுலகில் முன்னணி நடிகராக வலம் வரும் அசோக் செல்வன் சூது கவ்வும் படத்தின் மூலம் அறிமுகமானார். அதன் பிறகு அசோக் செல்வன் ஓ மை கடவுளே, நித்தம் வருவானம் உள்பட பல்வேறு படங்களில் நடித்துள்ளார். சமீபத்தில் அசோக் செல்வன் நடிப்பில் வெளியான போர் தொழில் திரைப்படம் ரசிகர்களிடையே வரவேற்பை பெற்றது.
இந்நிலையில் நடிகர் அருள் பாண்டியன் மகளும், நடிகையுமான கீர்த்தி பாண்டியனும் அசோக் செல்வமும் கடந்த சில ஆண்டுகளாக காதலித்து வந்தனர். இதில் கீர்த்தி பாண்டியன் தும்பா, அன்பிற்கினியாள் உள்ளிட்ட படங்களில் கதாநாயகியாக நடித்துள்ளார். இவர்களது காதலுக்கு இரு வீட்டாரும் பச்சைக்கொடி காட்டினர். கடந்த சில மாதங்களுக்கு முன்பு நிச்சயதார்த்தம் நடைபெற்றது.
கடந்த செப்டம்பர் 13-ஆம் தேதி திருநெல்வேலி மாவட்டத்தில் பாளையங்கோட்டை அருகே இருக்கும் இட்டேரில் அசோக் செல்வன் கீர்த்தி பாண்டியனுக்கு திருமணம் நடைபெற்றது. இவர்களது திருமணத்தில் நெருங்கிய சொந்தங்கள் மட்டும் கலந்து கொண்டனர். இந்நிலையில் அசோக் செல்வன் கீர்த்தி பாண்டியன் தம்பதியினர் தங்களது திருமண வீடியோவை இன்ஸ்டாகிராம் பக்கத்தில் பதிவிட்டுள்ளனர். அந்த வீடியோ தற்போது ட்ரெண்டாகி வருகிறது.
View this post on Instagram