இயக்குனர் வெற்றிமாறன் இயக்கத்தில் சிம்பு நடிக்கும் படம் அரசன் கடந்த டிசம்பர் மாதம் கோவில் பட்டியில் முதல் கட்ட படப்பிடிப்பு நடந்து முடிந்தது. அடுத்து 2ம் கட்ட படப்பிடிப்பு கோவில்பட்டியிலும் சென்னையிலும் மாறி மாறி நடக்கும் என்று கூறப்பட்ட நிலையில் 2 மாதங்களாக படப்பிடிப்பு துவங்கப்படாமல் தாமதம் நீடிக்கிறது. இதற்கு காரணம் இயக்குனர் வெற்றிமாறனா, நடிகர் சிம்புவா என்று ரசிகர்கள் குழப்பமடைந்தனர்.
ஆனால் உண்மையில் அவர்கள் இருவருமே இதற்கு காரணம் இல்லை. படத்தின் தயாரிப்பாளர் கலைப்புலி தாணு தான் என தெரிய வந்துள்ளது. லைவ் லொக்கேஷனில் அவுட்டோர் ஷூட்டிங்கில் ரசிகர்கள் தொல்லை அதிகம். இப்போது வெயில் காலமும் துவங்கி விட்டதால் செட் அமைத்து படத்தை எடுக்கலாம் என்று இயக்குனர் வெற்றிமாறன் முடிவு செய்திருக்கிறார்.
இதற்காக ஷெட் வரைபடத்தை தயாரிப்பாளர் தாணுவிடம் கொடுத்து ரூ. 20 கோடி பட்ஜெட்டில் அந்த ஷெட்டை அமைக்குமாறு கேட்டுள்ளார். அவ்வளவு பணம் ஒதுக்க முடியாது என்ற நிலையில் அதை ரூ. 10 கோடியாக குறைத்தும் வெற்றிமாறன் தந்துள்ளார். ஷெட்டுக்காக ரூ. 10 கோடி ஒதுக்க தயாரிப்பாளர் தாணு தயங்கும் நிலையில்தான் ஷூட்டிங் இன்னும் துவங்காமல் அப்படியே தடைபட்டு நிற்பதாக ஒரு தகவல் வெளியாகி ரசிகர்களை ஷாக் ஆக செய்துள்ளது.