ஏ ஆர் முருகதாஸ் இயக்கத்தில் உருவாகியுள்ள திரைப்படம் தான் சிக்கந்தர். இந்த திரைப்படத்தில் சல்மான் கான், ராஷ்மிகா மந்தனா மற்றும் சத்யராஜ் உள்ளிட்ட பலரும் நடித்துள்ளனர். இந்த திரைப்படத்திற்கு பிரிதோ சக்ரோபர்த்தி, சந்தோஷ் நாராயணன் ஆகியோர் இசையமைத்துள்ளனர். சுமார் 200 கோடி பட்ஜெட்டில் உருவாகியுள்ள இந்த திரைப்படம் ரசிகர்கள் மத்தியில் மிகுந்த எதிர்பார்ப்பை ஏற்படுத்தி இருந்த நிலையில் இன்று உலகம் முழுவதும் ரிலீஸ் ஆகி உள்ளது. ஏ ஆர் முருகதாஸ் கடைசியாக ரஜினியின் தர்பார் படத்தை இயக்கியிருந்த நிலையில் 5 வருடங்களுக்குப் பிறகு அவர் இயக்கத்தில் உருவாகியுள்ள இந்த திரைப்படத்திற்கு ரசிகர்கள் மத்தியில் மிகுந்த எதிர்பார்ப்பு இருந்தது.
இப்படத்தின் அதிகாலை காட்சியை பார்த்த ரசிகர்கள் தங்கள் விமர்சனங்களை எக்ஸ் தளத்தில் பதிவிட்டு வருகிறார்கள். இந்த திரைப்படம் ஓபனிங் காட்சி போல எதிர்பார்ப்போடு ரிவ்யூவை பார்த்தால் ஆரம்பமே முகம் சுளிக்கும் வகையில் ரசிகர்களும் சிக்கந்தர் படத்தை பார்த்து கோபத்தோடு பதிவிட்டு வருகிறார்கள். அதாவது பழைய படத்தை காப்பி அடித்து எடுத்தது போல இந்த திரைப்படம் உள்ளதாம். படம் முழுவதும் பார்த்த காட்சியை திரும்ப பார்ப்பது போலவே இருந்ததாக கூறப்படுகிறது.
அதேசமயம் ஏ ஆர் முருகதாஸ் படம் தானா என்று சந்தேகிக்கும் அளவுக்கு இந்த திரைப்படம் உள்ளது. மற்றொரு விமர்சனத்தை பார்க்கையில் சல்மான் கான் நடிப்பு உணர்ச்சி பொங்க உள்ளது. ஆக்ஷன் காட்சிகள் நன்றாக அமைந்துள்ளன. ஒரு சில காட்சிகளில் சல்மான் கான் மற்றும் சத்யராஜ் சண்டை காட்சிகளை பார்க்கும்போது தூக்கம் வருகிறதா. படத்தில் கதை இல்லாவிட்டாலும் பரவாயில்லை படம் பார்த்த காசு தான் வேஸ்ட் ஆகிவிட்டது என புலம்புகிறார்கள். ஏ ஆர் முருகதாஸ் நம்பியதற்கு நல்லா வச்சி செய்து விட்டார் என்று ரசிகர்கள் தங்கள் ஆதங்கத்தை வெளிப்படுத்தியுள்ளனர்.
சல்மான்கானின் முந்தைய படங்களை விட இந்த திரைப்படம் ஓரளவுக்கு நன்றாக உள்ளது என்று மற்றொருவர் கருத்து தெரிவித்துள்ளார். பெரிய எதிர்பார்ப்புக்கு மத்தியில் வெளியான இந்த திரைப்படம் ஏ ஆர் முருகதாஸ் ரசிகர்கள் மத்தியில் ஏமாற்றத்தை தான் ஏற்படுத்தி உள்ளது. இப்படி கலவையான விமர்சனங்களை சிக்கந்தர் திரைப்படம் பெற்று வரும் நிலையில் படத்தின் வெற்றியை தீர்மானிப்பது அதன் பாக்ஸ் ஆபீஸ் வசூல் தான்.