“இந்தியர்களை மதிக்க கத்துக்கோ…!” – உணவகத்தில் இந்திய எதிர்ப்புப் பேச்சு… பங்களாதேஷ் வெயிட்டரை வெளுத்து வாங்கிய இந்தியப் பெண்…!

இத்தாலிய உணவகம் ஒன்றில் பணிபுரியும் பங்களாதேஷைச் சேர்ந்த உணவு பரிமாறுபவர், இந்தியர்களுக்கு எதிராக அவதூறான மற்றும் வெறுப்பூட்டும் கருத்துக்களைத் தெரிவித்துள்ளார். இதைக் கேட்டு ஆத்திரமடைந்த இந்தியப் பெண் ஒருவர், உடனடியாக அந்த ஊழியரை நோக்கிச் சென்று மிகக் கடுமையாகக் கண்டித்து நேரடி வாக்குவாதத்தில் ஈடுபட்டார். இச்சம்பவம் குறித்த வீடியோ சமூக ஊடகங்களில் வெளியாகி தற்போது பெரும் வைரலாகி வருகிறது.

அந்த வீடியோவில், உணவக ஊழியரின் பொறுப்பற்ற செயலால் கோபமடைந்த அந்தப் பெண், “அவனை அறைந்துவிடுவேன்” என்று எச்சரிப்பதோடு, “இந்தியர்கள் வழங்கும் பணத்தில்தான் நீ வாழ்கிறாய்” என்று அவரது முகத்திற்கு நேராகக் கூறி வறுத்தெடுக்கிறார். பெண்ணின் இந்த அதிரடி மற்றும் ஆக்ரோஷமான எதிர்ப்பைக் கண்டு அதிர்ச்சியடைந்த அந்த ஊழியர், தப்பி வழியின்றித் தனது தவறை ஒப்புக்கொண்டு, கைகளைக் கூப்பி அந்தப் பெண்ணிடம் பகிரங்கமாக மன்னிப்புக் கேட்டார்.

https://www.instagram.com/reel/DZ7dxT0SbPn/?utm_source=ig_web_button_share_sheet

சமூக வலைத்தளங்களில் இந்த வீடியோ பரவியதைத் தொடர்ந்து, பலரும் அந்த இந்தியப் பெண்ணின் துணிச்சலான செயலைப் பாராட்டி வருகின்றனர். நாட்டின் மீதான அவதூறை சகித்துக் கொள்ளாமல், தட்டிக்கேட்டு அந்த ஊழியரை மன்னிப்புக் கேட்க வைத்த அவரது தைரியம் பலரது வரவேற்பைப் பெற்றுள்ளது. அதேவேளையில், பொது இடங்களில் இது போன்ற இனவெறி மற்றும் வெறுப்புப் பேச்சுகள் தவிர்க்கப்பட வேண்டும் என்றும் நெட்டிசன்கள் கருத்து தெரிவித்து வருகின்றனர்.