திமுக முன்னாள் அமைச்சர் கே.என். நேரு மீது லஞ்ச ஒழிப்புத்துறை (DVAC) அதிரடியாக வழக்குப்பதிவு செய்துள்ளது. கடந்த திமுக ஆட்சிக்காலத்தில் அவர் நகராட்சி நிர்வாகத்துறை அமைச்சராகப் பொறுப்பு வகித்தபோது, பல்வேறு பணி நியமனங்களுக்குப் பெரும் தொகையை லஞ்சமாகப் பெற்றதாகப் புகார் எழுந்தது. இந்த முறைகேடு தொடர்பாக மத்திய அமலாக்கத்துறை (ED) திரட்டி அளித்த ஆதாரங்களின் அடிப்படையில் சென்னை உயர் நீதிமன்றத்தின் உத்தரவுப்படி தற்போது இந்த வழக்குப் பாய்ந்துள்ளது.
உதவிப் பொறியாளர்கள், இளநிலைப் பொறியாளர்கள் உள்ளிட்ட பணியிடங்களை நிரப்புவதற்காக ஹவாலா பரிவர்த்தனைகள் மூலம் பல கோடி ரூபாய் கைமாறியதாக அமலாக்கத்துறை தாக்கல் செய்த ஆவணங்கள் மூலம் தெரியவந்துள்ளது. தமிழகத்தில் அண்மையில் தவெக (தமிழக வெற்றிக் கழகம்) ஆட்சி அமைந்ததைத் தொடர்ந்து, கடந்த கால திமுக அமைச்சர்களின் ஊழல் புகார்கள் மீது அடுத்தடுத்து நடவடிக்கைகள் தீவிரமடைந்து வருவது அரசியல் வட்டாரத்தில் பெரும் பரபரப்பை ஏற்படுத்தியுள்ளது.