சச்சின்-ஆல் அடித்த அதிர்ஷ்டம்.. ஆஸ்தான படங்களை ரீ ரிலீஸ் செய்ய தூசி தட்டி எடுக்கும் கலைப்புலி தாணு..!

தமிழ் சினிமாவில் தயாரிப்பாளர், இயக்குனர், பாடலாசிரியர் மற்றும் இசை என பன்முக திறமை கொண்டவர் தான் கலைப்புலி எஸ் தானு. தமிழ் சினிமாவில் சூப்பர் ஸ்டார் படங்களை வைத்து புது இலக்கணம் படைத்தவர். இதுவரை யாரும் எதிர்பாராத வகையில் இவருடைய படங்களுக்கான விளம்பரங்களை உருவாக்கி இந்திய அளவில் பெயர் பெற்றவர். தமிழ் சினிமாவில் இவருக்கு தெரியாத துறையே கிடையாது.

தற்போது சச்சின் படத்தின் ரீ ரிலீஸ் ரசிகர்கள் கொண்டாடுவதற்கு இவர் முக்கிய காரணமாக இருக்கிறார். விஜய் மற்றும் ஜெனிலியா நடிப்பில் கடந்த 2005 ஆம் ஆண்டு வெளியான சச்சின் திரைப்படம் 20 ஆண்டுகளை நிறைவு செய்துள்ளது. இந்த படத்தைக் கொண்டாடும் விதமாக கடந்த வாரம் இந்த திரைப்படம் தமிழக முழுவதும் ரிலீஸ் செய்யப்பட்ட நிலையில் இந்த படத்தை தயாரிப்பாளர் கலைபுலி எஸ் தாணு ரீ ரிலீஸ் செய்தார்.  இந்தப் படத்திற்கு கிடைத்த வரவேற்பை தொடர்ந்து கலைப்புலி தானோ அடுத்ததாக ரீ ரிலீஸ் செய்ய உள்ள படங்கள் குறித்த விவரமும் வெளியாகி உள்ளது.

கண்டுகொண்டேன் கண்டுகொண்டேன்:

இயக்குனர் ராஜு மேனன் இயக்கத்தில் அஜித், மம்முட்டி, ஐஸ்வர்யா ராய், தப்பு உள்ளிட்டோ நடிப்பில் கடந்த 2000 ஆம் ஆண்டு வெளியான திரைப்படம் தான் கண்டுகொண்டேன் கண்டுகொண்டேன். இந்த திரைப்படம் வெளியாகி கிட்டத்தட்ட 25 ஆண்டுகள் ஆகிவிட்டது. இந்தப் படத்தை கலைப்புலி எஸ் தனு தயாரித்திருந்த நிலையில் இந்த வருடம் இறுதிக்குள் இந்த படத்தை ரீ ரிலீஸ் செய்வதற்கான வேலைகள் நடைபெற்று வருவதாக தெரிவித்துள்ளார்.

காக்க காக்க:

கௌதம் வாசுதேவ் மேனன் இயக்கத்தில் கலைபுலி தாணு தயாரிப்பில் கடந்த 2003 ஆம் ஆண்டு வெளியான திரைப்படம் தான் காக்க காக்க. இந்த திரைப்படத்தில் சூர்யா ஹீரோவாக நடித்திருந்த நிலையில் அவருக்கு ஜோடியாக ஜோதிகாவும் வில்லனாக ஜீவனும் நடித்திருந்தனர். இந்தத் திரைப்படம் வெளியாகி ரசிகர்கள் மத்தியில் நல்ல வரவேற்பை பெற்ற நிலையில் தற்போது 22 ஆண்டுகள் கழித்து மீண்டும் இந்த திரைப்படத்தை இந்த வருடம் இறுதியில் ரீ ரிலீஸ் செய்ய திட்டமிட்டுள்ளதாக கலைபுலி தானு தெரிவித்துள்ளார்.

தெறி:

கடந்த 2016 ஆம் ஆண்டு கலைப்புலி எஸ் தானு தயாரிப்பில் அட்லி இயக்கத்தில் வெளியான திரைப்படம் தான் தெறி. இந்த திரைப்படத்தில் ஹீரோவாக விஜய் நடித்த நிலையில் எமி ஜாக்சன், சமந்தா மற்றும் ராதிகா சரத்குமார் உள்ளிட்ட பலரும் முக்கிய கதாபாத்திரத்தில் நடித்திருந்தனர். இப்படத்திற்கு ஜிவி பிரகாஷ் இசை அமைத்திருந்த நிலையில் நடிகை சமந்தா தனது சொந்த குரலிலேயே அனைத்து வசனமும் படத்தில் பேசி இருந்தார். ரசிகர்கள் மத்தியில் நல்ல வரவேற்பை பெற்ற இந்த திரைப்படத்தை 2026 ஆம் ஆண்டு ரீ ரிலீஸ் செய்ய உள்ளதாக கலைப்புலி எஸ் தானு தெரிவித்துள்ளார்.

கபாலி:

சூப்பர் ஸ்டார் ரஜினிகாந்த் நடிப்பில் கடந்த 2016 ஆம் ஆண்டு வெளிவந்த திரைப்படம் தான் கபாலி. இந்தத் திரைப்படத்தை பா ரஞ்சித் இயக்கியிருந்த நிலையில் கலைபுலி எஸ் தானு தயாரித்திருந்தார். இந்தப் படத்தில் ராதிகா ஆப்தே, தன்ஷிகா, அட்டகத்தி தினேஷ், கலையரசன் மற்றும் ஜான் விஜய் உள்ளிட்ட பலரும் நடித்திருந்தனர். இந்தத் திரைப்படம் வெளியாகி ரசிகர்கள் மத்தியில் நல்ல வரவேற்பை பெற்ற நிலையில் இந்த படத்தை 2026 ஆம் ஆண்டு ரீ ரிலீஸ் செய்ய உள்ளதாக கலைப்புலி தானு தெரிவித்துள்ளார்.