“ஹர்திக் அவுட்.. ரோகித் இன்?”… மும்பை இந்தியன்ஸில் மீண்டும் அதிரடி மாற்றம்?… ரசிகர்கள் ஆவலுடன் எதிர்பார்க்கும் அந்த ஒரு முடிவு..!!!

ஐபிஎல் 2026 சீசனில் 5 முறை சாம்பியனான மும்பை இந்தியன்ஸ் அணி, விளையாடிய 7 போட்டிகளில் 5-ல் தோல்வியடைந்து புள்ளிப்பட்டியலில் பின்தங்கியுள்ளது. குறிப்பாக, சென்னை சூப்பர் கிங்ஸ் அணிக்கு எதிராக 103 ரன்கள் வித்தியாசத்தில் பெற்ற படுதோல்வி, அந்த அணியின் வரலாற்றிலேயே மோசமான சாதனையாகப் பார்க்கப்படுகிறது. ஹர்திக் பாண்ட்யாவின் தலைமையில் அணி தொடர்ந்து சொதப்பி வருவதும், வீரர்களை ஒருங்கிணைப்பதில் அவர் தோல்வியடைந்துள்ளார் என்ற விமர்சனமும் எழுந்துள்ளதால், கேப்டன் மாற்றத்திற்கான குரல்கள் வலுவாக ஒலிக்கின்றன.

இந்த இக்கட்டான சூழலில், கேப்டன் பதவிக்கான ரேஸில் முன்னாள் கேப்டன் ரோகித் சர்மா முதலிடத்தில் உள்ளார். 5 கோப்பைகளை வென்று கொடுத்த அனுபவம் மற்றும் 2024 டி20 உலகக்கோப்பை வெற்றி ஆகியவை அவருக்குச் சாதகமாக உள்ளன. அவருக்கு அடுத்தபடியாக, இந்திய அணியை வழிநடத்திய அனுபவம் கொண்ட ‘மிஸ்டர் 360’ சூர்யகுமார் யாதவ் மற்றும் அணியின் முதுகெலும்பாகத் திகழும் நட்சத்திர வேகப்பந்து வீச்சாளர் ஜஸ்பிரித் பும்ரா ஆகியோரின் பெயர்களும் பலமாகப் பரிசீலிக்கப்படுகின்றன.

மற்றொரு சுவாரஸ்யமான தேர்வாக நியூசிலாந்தின் மிட்செல் சான்ட்னர் கருதப்படுகிறார். சர்வதேச போட்டிகளில் கிவி அணியை வழிநடத்திய அனுபவம் மற்றும் இக்கட்டான நேரங்களில் நிதானமாக முடிவெடுக்கும் திறன் அவரிடம் உள்ளது. மும்பை இந்தியன்ஸ் நிர்வாகம் ஒரு வெளிநாட்டு வீரரைத் தலைமைப் பொறுப்பிற்குத் தேர்வு செய்ய விரும்பினால் சான்ட்னர் ஒரு சிறந்த மாற்றாக இருப்பார். எது எப்படியோ, அடுத்தடுத்த போட்டிகளில் வெற்றி பெற்றால் மட்டுமே மும்பை அணியால் பிளே-ஆஃப் கனவைத் தக்கவைக்க முடியும்.