நடிகர் ரஜினியின் மூத்த மகள் ஐஸ்வர்யா ரஜினிகாந்த் டைரக்ட் செய்த நடிகர் தனுஷ் ஹீரோவாக நடித்த 3 என்ற படம் மூலம் தமிழ் சினிமாவில் இசையமைப்பாளராக அறிமுகமானவர் அனிருத். இன்று நட்சத்திர இசையமைப்பாளராக இந்திய சினிமாவில் வலம் வருகிறார். ஒரு படத்துக்கு அவர் ரூ. 15 கோடி வரை சம்பளம் வாங்குவதாக கூறப்படுகிறது.
இந்நிலையில் சமீபத்தில் ஒரு நிகழ்ச்சியில் பேசிய இசையமைப்பாளர் அனிருத் கூறியதாவது, சின்ன வயதில் கல்யாணத்திற்கு வாசிக்க போனபோது 500 ரூபாய் சம்பளம் கொடுப்பார்கள். சில நேரம் அதைக் கூட தர மாட்டார்கள். வெறும் வெற்றிலை பாக்கு மட்டும் கொடுத்துவிட்டு நன்றி என்று சொல்லி அனுப்பி விடுவார்கள். இப்போது எவ்வளவு கோடி சம்பாதித்தாலும் அந்த 500 ரூபாய் சம்பளம் கொடுத்த சந்தோஷம் இப்போது கிடைப்பதில்லை என்று இசையமைப்பாளர் அனிருத் கூறியிருக்கிறார்.