“சட்டசபையே ரீல்ஸ் மயமா?… நேரலையிலேயே உடைந்து அழுத பெண்… அன்பில் மகேஷ் கொடுத்த அதிரடி ரியாக்‌ஷன்…!”

திருச்சி பொன்மலையில் நடைபெற்ற தி.மு.க. ஆலோசனைக் கூட்டத்தில் பேசிய இளம்பெண் நிர்வாகி ஒருவர், தமிழக சட்டப்பேரவை நிகழ்வுகளைச் சிலர் ‘ரீல்ஸ்’ என்ற பெயரில் சமூக ஊடகங்களில் கிண்டலாகப் பகிர்ந்து வருவதாகக் கண்ணீர் மல்கக் குற்றம்சாட்டினார். மாபெரும் தலைவர்கள் கண்ணியம் காத்த சட்டமன்றத்தையும், பாரம்பரியமிக்க தமிழ் சமூகத்தையும் வெறும் சமூக ஊடக மோகத்திற்காக இப்படித் தரம் தாழ்த்துவது வேதனையளிப்பதாக உணர்ச்சிவசப்பட்டுப் பேசினார்.

இளம்பெண்ணின் உணர்ச்சிப்பூர்வமான பேச்சைக் கேட்ட முன்னாள் அமைச்சர் அன்பில் மகேஷ் பொய்யாமொழி அவருக்கு ஆறுதல் கூறினார். சமூக ஊடக மோகத்தால் தடம் மாறும் இளைஞர்களும் நமது பிள்ளைகளே என்று குறிப்பிட்ட அவர், அவர்களின் ஆதங்கம் நியாயமானது என்றும், இளைஞர்களுக்குச் சட்டமன்றத்தின் கண்ணியத்தையும் பண்பாட்டையும் எடுத்துச் சொல்லி அன்போடு திருத்துவோம் என்றும் உறுதியளித்தார்.

முன்னதாக, சட்டசபைக் கூட்டத்தொடரின் போது தமிழக முதல்வர் விஜய் “அப்பாவ காணோம்” என்று கூறியதுடன் ‘பினிஷ்டு’ என்பதைக் குறிக்கும் வகையில் சைகை செய்தார். இந்தச் சைகை விஜய் நடித்த ‘ஜனநாயகன்’ திரைப்படத்தின் டைட்டில் கார்டிலும் இடம்பெற்று இணையத்தில் டிரெண்டானது. இந்தச் சம்பவத்தைக் குறிப்பிட்டே அந்த இளம்பெண் தனது கவலையைப் பதிவு செய்துள்ளார் என்பது குறிப்பிடத்தக்கது.