என்ன சார் இது…? “AC ரயில் பெட்டியில் அகல் விளக்கு பூஜை…” பயணிகள் எச்சரித்தும் கண்டுகொள்ளாத நபர்…. வீடியோவை பார்த்து கொந்தளித்த நெட்டிசன்கள்…!!

AC ரயில் பெட்டியின் மேல் படுக்கையில் அமர்ந்திருந்த பயணி ஒருவர், அகல் விளக்கு ஏற்றி, சாம்பிராணி மற்றும் ஊதுபத்தி கொளுத்தி பூஜை செய்துள்ளார். தீ விபத்து அபாயம் மற்றும் புகையால் ரயிலில் உள்ள தீ எச்சரிக்கை அலாரம் ஒலிக்கும் ஆபத்து இருப்பதாகக் கூறிச் சக பயணிகள் பலமுறை தடுத்தும், அந்த நபர் அவர்களைக் பொருட்படுத்தாமல் பூஜையைத் தொடர்ந்துள்ளார். இந்த அதிர்ச்சியளிக்கும் சம்பவம் தொடர்பான காணொளி இணையத்தில் வெளியாகிப் பெரும் பரபரப்பை ஏற்படுத்தியுள்ளது.

இந்தச் சம்பவத்திற்குச் சமூக வலைத்தளங்களில் பயணியர் கடுமையான கண்டனங்களைத் தெரிவித்து வருகின்றனர். இது உண்மையான பக்தி கிடையாது என்றும், இணையத்தில் புகழ்பெற வேண்டும் என்ற எண்ணத்தில் மற்ற உயிர்களுடன் விளையாடும் செயல் என்றும் நெட்டிசன்கள் கடுமையாக விமர்சித்து வருகின்றனர். மேலும், ரயில் பயணிகளின் பாதுகாப்பைக் கேள்விக் குறியாக்கிய அந்த நபரை உடனடியாகக் கைது செய்து கடுமையான சட்ட நடவடிக்கை எடுக்க வேண்டும் என்றும் பலரும் வலியுறுத்தி வருகின்றனர்.