சத்தமில்லாமல் தனது நீண்ட நாள் காதலியை கரம்பிடித்த ‘அன்பே வா’ சீரியல் ஹீரோ… மணப்பெண் இந்த பிரபலமா..? வைரலாகும் வெட்டிங் போட்டோஸ்…

சன் தொலைக்காட்சியில் ஒளிபரப்பாகி ரசிகர்கள் மத்தியில் மாபெரும் வரவேற்பு பெற்று வரும் தொடர் ‘அன்பே வா’ .  இந்த சீரியல் ஹீரோ வருணின் நிஜப் பெயர் விராட். கர்நாடக மாநிலம் ஹுப்ளியை சேர்ந்தவர். பெங்களூருவில் உள்ள பிஎச்எஸ் கல்லூரியில் பிஎஸ்சி அனிமேஷன் படித்துள்ளார். 12 ஆம் வகுப்பு படிக்கும்போதே திரைத்துறையில் கால் பதித்தார்.

2006 ஆம் ஆண்டு வெளியான ‘பிளாக்’ என்ற கன்னட படம்தான் இவரது முதல் படம். அந்தப் படத்தில் இரண்டாவது ஹீரோவாக நடித்திருந்தார். பிறகு, ’10th க்ளாஸ் ஏ செக்‌ஷன்’ படத்தில் ஹீரோவாக நடித்தார். இங்கிருந்துதான் இவரது நடிப்புப் பயணம் தொடங்கியது. அதன்பிறகு பட வாய்ப்புகள் குறைந்ததால் கன்னட சின்னத்திரைக்குள் நுழைந்தார்.

கலர்ஸ் தமிழ் சேனலில் 2018ல் ஒளிபரப்பான பேரழகி சீரியலில் ப்ருத்வி கேரக்டரில் நடித்தார். இதைத்தொடர்ந்து சன்டிவியில் ‘அன்பே வா’ சீரியலில் வருண் என்ற கேரக்டரில் பூமிகாவுடன் நடித்து வந்தார். இவர்களது ரொமன்ஸ் சீன்களை பார்க்கவே தனி ரசிகர்கள் பட்டாளமே  உள்ளது. சமூக வலைதளங்களில் இவர்களுக்கு ஏகப்பட்ட ஃபேன்ஸ்கள் உள்ளனர்.

தற்பொழுது இந்த சீரியல் 1000 எபிசோடுகளை கடந்து வெற்றிகரமாக ஒளிபரப்பாகி வருகிறது.  2020-ம் ஆண்டு தொடங்கப்பட்ட இந்த சீரியல் தற்போது 4 ஆண்டுகளாக வெற்றிகரமாக ஒளிபரப்பாகி, விரைவில் முடிவுக்கு வர உள்ளதாக கூறப்படுகிறது.  சீரியல் முடிந்த கையோடு அந்த தொடரின் நாயகன் விராட்டுக்கு திருமணம் நடைபெற்று இருக்கிறது.

அவர் தனது நீண்ட நாள் காதலியான நவீனா என்பவரை பெற்றோர்கள் சம்மதத்துடன் திருமணம் செய்துகொண்டுள்ளார். இவர்களது திருமணம் சென்னை மகாபலிபுரத்தில் நடைபெற்றது. இதில் உறவினர்கள் மற்றும் சின்னத்திரை நடிகர், நடிகைகள் கலந்துகொண்டு மணமக்களை வாழ்த்தினர். விராட் – நவீனா ஜோடியின் திருமண புகைப்படங்கள் சமூக வலைதளங்களில் வெளியாகி வைரலாகி வருகிறது. ரசிகர்களும், பிரபலங்களும் இத்திருமண ஜோடிக்கு தங்களது வாழ்த்துக்களை கூறி வருகின்றனர். விராட்டின் மனைவி நவீனா மேக்கப் ஆர்டிஸ்ட் ஆக பணியாற்றி வருகிறார் என்பது குறிப்பிடத்தக்கது.