தமிழக அரசியல் களம் 2026 சட்டமன்றத் தேர்தலை நோக்கி சூடுபிடிக்கத் தொடங்கியுள்ள நிலையில், முன்னாள் முதலமைச்சர் ஓ. பன்னீர்செல்வத்தின் கூடாரத்தில் இருந்து முக்கிய நிர்வாகிகள் அடுத்தடுத்து திமுகவில் இணைந்து வருவது அரசியல் வட்டாரத்தில் பெரும் பரபரப்பை ஏற்படுத்தியுள்ளது. அண்மையில் ஓபிஎஸ்-இன் தீவிர ஆதரவாளரான முன்னாள் எம்.எல்.ஏ மனோஜ் பாண்டியன் தனது பதவியை ராஜினாமா செய்துவிட்டு முதலமைச்சர் மு.க.ஸ்டாலின் முன்னிலையில் திமுகவில் இணைந்தார். அவரைத் தொடர்ந்து டெல்டா மாவட்டத்தைச் சேர்ந்த முக்கிய நிர்வாகியான பி.கே.வி. பிரபு மற்றும் முன்னாள் எம்.எல்.ஏ சுப்புரத்தினம் உள்ளிட்டோர் தங்களை ஆளுங்கட்சியில் இணைத்துக் கொண்டது ஓபிஎஸ் தரப்பிற்குப் பெரும் பின்னடைவாகவும் அதிர்ச்சியாகவும் பார்க்கப்படுகிறது.
இந்நிலையில், அவரது வலதுகரமாக விளங்கிய வைத்திலிங்கமும் திமுகவிற்கு தாவ இருப்பதாக தகவல் வெளியாகியுள்ளது. தனது MLA பதவியை ராஜினாமா செய்துவிட்டு, ஸ்டாலின் முன்னிலையில் இன்று அவர் திமுகவில் இணைவார் என கூறப்படுகிறது. 2021-ல் ஒரத்தநாடு தொகுதியில் அதிமுக சார்பில் போட்டியிட்டு அவர் வெற்றிபெற்றது குறிப்பிடத்தக்கது. அதிமுகவில் இருந்து நீக்கப்பட்ட பிறகு ‘தொண்டர்கள் உரிமை மீட்புக் குழு’ என்ற பெயரில் தனிப்பயணம் மேற்கொண்டு வரும் ஓ. பன்னீர்செல்வத்திற்கு, தனது நம்பிக்கைக்குரிய தளபதிகளே விலகிச் செல்வது பலவீனத்தை ஏற்படுத்தியுள்ளது.
திமுகவில் இணைபவர்களுக்கு வரும் தேர்தலில் போட்டியிட வாய்ப்பு அல்லது கட்சியில் முக்கிய பொறுப்புகள் வழங்கப்படலாம் என்ற பேச்சுவார்த்தைகள் நடைபெறுவதாகத் தகவல்கள் தெரிவிக்கின்றன. அடுத்தடுத்து நிகழும் இந்த அரசியல் மாற்றங்கள், தென் மாவட்டங்களில் ஓபிஎஸ் கொண்டுள்ள செல்வாக்கைச் சிதைக்கும் நோக்கில் திமுக முன்னெடுக்கும் வியூகமாகவே அரசியல் விமர்சகர்களால் கருதப்படுகிறது.
சென்னை பனையூரில் உள்ள தமிழக வெற்றிக் கழகத்தின் (தவெக) தலைமை அலுவலகம் இன்று காலை முதலே தொண்டர்களின் கூட்டத்தாலும், கார்களின்…
தமிழக அரசியலில் பெரும் எதிர்பார்ப்பை ஏற்படுத்தியுள்ள இந்த சூழலில், தங்களது ‘WE THE LEADERS’ இயக்கத்தின் மூலம் ஆன்லைனில் இணைந்த…
தேர்தல் சமயத்தில் திமுகவில் இருந்து விலகி பரபரப்பை ஏற்படுத்திய தி.நகர் முன்னாள் சட்டமன்ற உறுப்பினர் (Ex-MLA) கருணாநிதி, தற்போது முறைப்படி…
தமிழக அரசியல் களம் சட்டமன்றத் தேர்தலுக்குப் பிந்தைய சூழலில் அதிரடியான திருப்பங்களைச் சந்தித்து வருகிறது. தேர்தலில் திமுக கூட்டணியில் இருந்த…
பாஜகவில் இருந்து அதிகாரப்பூர்வமாக விலகி, "சாமானியன்" என்ற புதிய முகமூடியோடு தன் அரசியல் பயணத்தைத் தனித்துப் பிரகடனப்படுத்தியுள்ளார் அண்ணாமலை. டெல்லி…
திரைப்படங்களில் வருவது போல, செயற்கை நுண்ணறிவு (AI) தொழில்நுட்பம் மனிதர்களின் கட்டுப்பாட்டை மீறிச் செயல்படும் காலம் வெகுதொலைவில் இல்லை என்று…