குழந்தைகளின் ஆரோக்கியம் தொடர்பான ORSL தயாரிப்பு மற்றும் அதன் போலி பிராண்டுகள் குறித்த அதிர்ச்சிகரமான தகவல்களைச் சமூக ஆர்வலர் டாக்டர் சிவரஞ்சனி தனது வீடியோவில் வெளியிட்டுள்ளார். சத்தீஸ்கரைச் சேர்ந்த ‘ராரா மெடிக்கல் ஸ்டோர்’ உரிமையாளர் அளித்த ஆதாரங்களின் அடிப்படையில், குழந்தைகளின் உயிருக்கு ஆபத்தை விளைவிக்கும் வகையில் ஒத்த பெயரில் (Trademark) சந்தையில் உலவும் தயாரிப்புகள் குறித்து அவர் கேள்வியெழுப்பியுள்ளார்.
அந்த வீடியோவில், சத்தீஸ்கரைச் சேர்ந்த ராரா மெடிக்கல் ஸ்டோர் என்ற சில்லறை விற்பனையாளர் இதை என்னுடன் பகிர்ந்து கொண்டார். நான், “பெயரையும் எண்ணையும் மறைத்து, ஸ்கிரீன் ஷாட்டைப் பகிர்கிறேன்” என்று சொன்னபோது, அவர், “நீங்கள் என் பெயரைப் பகிரலாம். எந்தப் பிரச்சினையும் இல்லை. நீங்கள் குழந்தைகளுக்காக இவ்வளவு போராடியிருக்கிறீர்கள். இது நான் செய்யக்கூடிய மிகச் சிறிய உதவி. இது என் கடமை!” என்று கூறினார்.
This was shared with me by a retailer Rara Medical Store from Chattisgarh, and when I said, “I will hide the name and number, and share the screen shot”, he said, “you can share my name. No problem. You have fought so much for the children. This is the least I can do. It’s my… pic.twitter.com/ZotSkWS67r
— Dr.Sivaranjini (@dr_sivaranjani) January 9, 2026
இந்த எச்சரிக்கைக்கு அவருக்கு நன்றி! மாண்புமிகு வர்த்தகம் மற்றும் தொழில்துறை அமைச்சர் பியூஸ் கோயல் அவர்களிடம் எனது கேள்வி இதுதான்: “ORSL இந்த நாட்டின் குழந்தைகளுக்கு எவ்வளவு சேதத்தை ஏற்படுத்தியது என்று தெரிந்திருந்தும், எப்படி வர்த்தக முத்திரை உரிமம் இவ்வளவு விரைவாகவும், அதுவும் ORSL போன்ற ஒரு ஒத்த வர்த்தக முத்திரைக்கு வழங்கப்பட்டது?”. மாண்புமிகு சுகாதாரத் துறை அமைச்சர் ஜேபி நட்டா அவர்களிடம் எனது கேள்வி இதுதான்: “ஐயா, FSSAI இதை எப்படி அனுமதித்தது?”.
மாண்புமிகு பிரதமர் நரேந்திர மோடி அவர்களிடம் எனது கேள்வி: “ஐயா, பொது சுகாதாரத்தை விட பெருநிறுவனங்களின் நலன்களுக்கு ஏன் முன்னுரிமை அளிக்கப்படுகிறது? என்று கேள்வி எழுப்பியுள்ளார்.