மக்களுக்கா? அதிகாரிகளுக்கா?… கண்ணீர் விட்ட தாத்தா.. பேரக்குழந்தைகள் முன்னிலையில் முதியவரை அலறவிட்ட அரசு அதிகாரிகள்… வைரலாகும் வீடியோ…!!!

வேலூர் பொதுப் பூங்காவில் அரசு அதிகாரிகள் மற்றும் அவர்களது பிள்ளைகளுக்கு மட்டுமே அனுமதி உண்டு என்று கூறி, தனது பேரக்குழந்தைகளுடன் வந்த ஒரு முதியவர் மிக மோசமான முறையில் நடத்தப்பட்டிருப்பது அதிர்ச்சியை ஏற்படுத்தியுள்ளது. மக்கள் வரிப்பணத்தில் பராமரிக்கப்படும் ஒரு பொது இடத்தைப் பயன்டுத்த முதியவருக்குத் தடை விதித்ததோடு மட்டுமல்லாமல், அவரை ஒருமையில் பேசி அவமதித்த அரசு அதிகாரிகளின் இத்தகைய அநாகரிகமான போக்கு வன்மையாகக் கண்டிக்கத்தக்கது.

மேலும் பூங்காவின் வாயிற்கதவைப் பூட்டி, முதியவரையும் குழந்தைகளையும் வெளியேற்றியது மனிதநேயமற்ற செயல் மட்டுமல்ல, சட்டப்படி பொது இடத்திற்குச் செல்வதைத் தடுக்கும் அதிகார மீறலும் ஆகும். இத்தகைய “அதிகாரத் திமிர்” கொண்ட அணுகுமுறை சமூகத்தில் ஒரு தவறான முன்னுதாரணத்தை ஏற்படுத்துகிறது. பொது மக்களுக்குச் சேவையாற்ற வேண்டிய அதிகாரிகள், தங்களை ஒரு உயர்ந்த வர்க்கமாகக் கருதிக்கொண்டு முதியவர்களிடம் இவ்வளவு தரக்குறைவாக நடந்துகொள்வது அவர்களின் பதவிக்கும் அரசுக்கும் இழுக்கைத் தேடித் தரும் செயலாகும்.

Only government officers and their children are allowed to play in the Vellore public park. They abused a senior citizen who brought his grandchildren to play, locked the gate, and displayed a pathetic attitude towards the elderly man. pic.twitter.com/w7GsLtA5v9

— Suresh samy (@sureshsamy28) March 14, 2026

“>ath-to-node=”2”>

இந்நிலையில் பாதிக்கப்பட்ட அந்த முதியவருக்கு நீதி கிடைக்க வேண்டும் என்பதோடு, பொது இடங்களைச் சில குறிப்பிட்ட நபர்கள் மட்டும் சொந்தம் கொண்டாடும் இந்தச் சட்டவிரோதப் போக்கிற்கு மாவட்ட நிர்வாகம் உடனடியாக முற்றுப்புள்ளி வைக்க வேண்டும். அரசுப் பணியாளர்கள் மக்களின் நண்பர்களாக இருக்க வேண்டுமே தவிர, சர்வாதிகாரிகளாகச் செயல்படக் கூடாது.