“என் புருஷன் மாடியிலிருந்து குதிச்சி செத்துட்டாரு” 16-வது மாடியில் இருந்து விழுந்து இன்ஜினியர் தற்கொலை… மனைவி மீது திரும்பும் சந்தேகம்… கிடுக்குப்பிடி விசாரணையில் போலீஸ்..!!

கிரேட்டர் நொய்டாவில் மென்பொருள் பொறியாளர் சத்ருகன் சின்ஹா உயிரிழந்த சம்பவம், குடும்பத் தகராறு மற்றும் சட்டத்தின் சமநிலை குறித்த விவாதங்களை மீண்டும் கிளப்பியுள்ளது. 16-வது மாடியில் இருந்து குதித்து அவர் தற்கொலை செய்துகொண்டதாக மனைவி தரப்பு கூறினாலும், தற்கொலைக் கடிதம் ஏதும் இல்லாதது மற்றும் சம்பவத்தின் போது மனைவியின் சகோதரி அங்கு இருந்தது போன்ற காரணங்களால் இது கொலையாக இருக்கலாம் என்ற சந்தேகம் சமூக வலைதளங்களில் வலுத்து வருகிறது.

வேலை இழப்பு மற்றும் குடும்பச் சண்டைகளால் ஒரு ஆண் தற்கொலைக்குத் தள்ளப்படும்போது, அவர் எதிர்கொள்ளும் உளவியல் சிக்கல்களை விட, மனைவியின் வாக்குமூலமே பிரதானமாக எடுத்துக் கொள்ளப்படுவதாக விமர்சனங்கள் எழுகின்றன. இதே சூழலில் ஒரு பெண் பாதிக்கப்பட்டிருந்தால் சட்ட நடவடிக்கைகள் மிகத் தீவிரமாக இருந்திருக்கும் என்பதைச் சுட்டிக்காட்டும் இணையவாசிகள், ‘ஆண்களுக்கான நீதியும்’ (Men’s Rights) இங்கே கேள்விக்குறியாக உள்ளதாகக் கருத்து தெரிவிக்கின்றனர். காவல்துறை அனைத்து கோணங்களிலும் விசாரித்து உண்மைத் தன்மையைக் கண்டறிய வேண்டும் என்பதே பொதுமக்களின் கோரிக்கையாக உள்ளது.