காதலரின் பிறந்தநாளை கொண்டாட ட்ரிப் சென்றுள்ள நடிகை அம்மு அபிராமி.. எங்கு தெரியுமா..? வைரலாகும் போட்டோஸ்..!!

பிரபல நடிகையான அம்மு அபிராமி விஷ்ணு விஷால் நடித்த ராட்சசன் திரைப்படத்தில் முக்கிய கதாபாத்திரத்தில் நடித்தார். அந்த படம் சூப்பர் ஹிட் ஆனது. அதன் பிறகு வெற்றிமாறன் இயக்கத்தில் உருவான அசுரன் திரைப்படத்தில் தனது சிறப்பான நடிப்பை வெளிப்படுத்தினார். இவர் தனுஷின் முறைபெண்ணாக அந்த படத்தில் நடித்திருந்தார்.

இதனையடுத்து துப்பாக்கி முனை, யானை, தண்டட்டி, பாபா பிளாக் ஷீப் உள்ளிட்ட பல்வேறு படங்களில் நடித்துள்ளார். கடந்த ஆண்டு அம்மு அபிராமி நடிப்பில் கண்ணகி திரைப்படம் ரிலீஸ் ஆனது. அதில் நான்கு ஹீரோயின்களில் ஒருவராக அவர் நடித்தார். இப்போது நிறங்கள் மூன்று, ஜகதாம்பாள், கனவு மெய்ப்பட, குதூகலம், கோலி சோடா 1.5 ஆகிய படங்களை கைவசம் வைத்துள்ளார்.

விஜய் டிவியில் ஒளிபரப்பாகும் குக் வித் கோமாளி நிகழ்ச்சியில் அம்மு அபிராமி கலந்துகொண்டு பிரபலமானார். அவர் குக் வித் கோமாளி நிகழ்ச்சியின் இயக்குனர் பார்த்திவ் மணியை காதலித்து வந்ததாக கூறப்பட்டது. அதனை உறுதிப்படுத்தும் வகையில் பார்திவ் மணியுடன் தன் எடுத்துக் கொண்ட புகைப்படத்தை சமூக வலைதளத்தில் வெளியிட்டார்.

மேலும் பார்த்திவ் மணியின் பிறந்தநாளுக்கு வாழ்த்து தெரிவித்து அந்த போட்டோவில் கேப்ஷனாக happiest birthday dear, பிறந்ததற்கு நன்றி வாழ்வில் வந்ததற்கு நன்றி என பதிவிட்டுள்ளார். விஜய் டிவியில் இருந்து வெளியேறி தற்போது சன் டிவியில் ஒளிபரப்பாகும் டாப் குக்கு டூப் குக்கு நிகழ்ச்சியின் இயக்குனராக வலம் வருகிறார் பார்திவ் மணி. இந்நிலையில் அவர் மூணாறுக்கு சென்று தனது பிறந்த நாளை கொண்டாடியுள்ளார். இந்த தொடர்பான புகைப்படங்கள் சமூகவலைதளத்தில் வேகமாக பரவி வருகிறது.