FLASH: மகளிரணி ஆதரவாளர்களுடன் தவெகவில் இணைந்த அமமுக செயலாளர்… சற்றுமுன் அதிர்ச்சியில் டிடிவி..!!

அமமுகவின் சோழிங்கநல்லூர் தெற்கு பகுதி செயலாளராகப் பொறுப்பு வகித்து வந்த மடிப்பாக்கம் தினேஷ், தனது பதவியையும் அக்கட்சியையும் துறந்து, இன்று தமிழக வெற்றிக் கழகத்தில் முறைப்படி இணைந்தார். தனியாக வராமல், தனது 200 மகளிரணி ஆதரவாளர்களுடன் வந்து அவர் தவெகவில் இணைந்தது அரசியல் வட்டாரத்தில் கவனத்தைப் பெற்றுள்ளது. தவெகவின் சென்னை புறநகர் மாவட்ட செயலாளரும், சோழிங்கநல்லூர் சட்டமன்ற உறுப்பினருமான ECR பி. சரவணன் தலைமையில் நடைபெற்ற சிறப்பு நிகழ்ச்சியில் இந்த இணைப்பு அரங்கேறியது.

சோழிங்கநல்லூர் பகுதியில் நீண்ட அரசியல் அனுபவமும், கணிசமான செல்வாக்கும் கொண்ட மடிப்பாக்கம் தினேஷின் இந்த வரவு, தவெகவின் அடிமட்டக் கட்டமைப்பைப் பலப்படுத்தும் என எதிர்பார்க்கப்படுகிறது. முக்கியமாக, 200 மகளிரணி நிர்வாகிகளும் தவெகவில் தங்களை இணைத்துக் கொண்டுள்ளதால், அப்பகுதியில் கட்சியின் மகளிர் பலம் கணிசமாக உயரும். இந்த அதிரடி இணைப்புச் சம்பவம் சோழிங்கநல்லூர் மற்றும் அதன் சுற்றுவட்டாரப் பகுதிகளில் தவெகவின் அரசியல் அமைப்பை மேலும் வலுப்படுத்தும் என்று அக்கட்சியின் முக்கிய நிர்வாகிகள் மிகுந்த நம்பிக்கையுடன் தெரிவித்துள்ளனர்.