தமிழகத்தில் 2026 சட்டமன்றத் தேர்தல் நெருங்கி வரும் வேளையில், அதிமுக மற்றும் பாஜக இடையிலான தொகுதிப் பங்கீடு குறித்த பேச்சுவார்த்தைகள் அரசியல் வட்டாரத்தில் பெரும் பரபரப்பை ஏற்படுத்தியுள்ளன. அதிமுக கூட்டணியில் இடம்பெற்றுள்ள பாஜக, இம்முறை சுமார் 50 தொகுதிகளைப் பெற வேண்டும் என்பதில் உறுதியாக உள்ளதாகத் தெரிகிறது. இதற்காக மத்திய உள்துறை அமைச்சர் அமித்ஷா, குறிப்பிட்ட 50 தொகுதிகள் அடங்கிய பட்டியலை எடப்பாடி பழனிச்சாமியிடம் வழங்கியுள்ளதாகத் தகவல்கள் வெளியாகியுள்ளன. அதிமுக வழங்கும் பலவீனமான தொகுதிகளை ஏற்க பாஜக விரும்பவில்லை என்றும், வெற்றி வாய்ப்புள்ள குறிப்பிட்ட தொகுதிகளைக் குறிவைத்து இந்தப் பட்டியல் தயாரிக்கப்பட்டுள்ளதாகவும் கூறப்படுகிறது.
இருப்பினும், பாஜகவின் இந்த 50 தொகுதிகள் கோரிக்கையை ஏற்பதில் அதிமுக தலைமைக்குச் சில தயக்கங்கள் இருப்பதாகத் தெரிகிறது. எடப்பாடி பழனிச்சாமி தரப்பில் அதிகபட்சமாக 40 தொகுதிகள் வரை வழங்கலாம் என ஆலோசிக்கப்பட்டு வருவதாகக் கூறப்படுகிறது. குறிப்பாக, அமித்ஷா வழங்கிய பட்டியலில் திமுக மற்றும் அதன் கூட்டணிக் கட்சிகள் வசம் உள்ள பல தொகுதிகளும், அதிமுகவின் வசம் உள்ள 5 தொகுதிகளும் இடம்பெற்றுள்ளது அதிமுகவினரிடையே விவாதத்தை ஏற்படுத்தியுள்ளது. தொகுதிப் பங்கீடு தொடர்பாக இரு கட்சிகளுக்கும் இடையே இழுபறி நீடிக்கும் நிலையில், வரும் நாட்களில் இது குறித்த அதிகாரப்பூர்வ அறிவிப்புகள் வெளியாகும் என எதிர்பார்க்கப்படுகிறது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…