அமெரிக்க ராணுவத்தின் உயர்மட்ட ரகசியங்கள் ஒரு பெண்ணின் அழகிலும், மதுவின் போதையிலும் அம்பலமானது அந்நாட்டின் பாதுகாப்பு கட்டமைப்பையே உலுக்கியுள்ளது. அமெரிக்க அணுசக்தி மற்றும் ரசாயனப் பாதுகாப்புப் பிரிவின் உயர் அதிகாரி ஆண்ட்ரூ ஹக், ஜேம்ஸ் ஓகீஃப் என்ற ஆர்வலர் நடத்திய ரகசிய ஆப்ரேஷனில் சிக்கினார். ஒரு பெண் பத்திரிகையாளர் விரித்த வலையில் விழுந்த ஆண்ட்ரூ, அந்நாட்டின் அதிமுக்கியமான ராணுவ ரகசியங்களை எவ்விதத் தயக்கமுமின்றி உளறிக் கொட்டிய வீடியோ சமூக வலைதளங்களில் வெளியாகி பெரும் அதிர்வலைகளை ஏற்படுத்தியுள்ளது.
இந்தச் சந்திப்பின் போது, ஈரானின் புதிய உச்ச தலைவர் மோஜ்தபா கமேனி அமெரிக்காவின் இலக்கில் இருப்பதாகவும், அவர் தனது போக்கை மாற்றாவிட்டால் கொல்லப்பட வாய்ப்புள்ளதாகவும் ஆண்ட்ரூ தெரிவித்துள்ளார். மேலும், ஈரானில் அமெரிக்கா நடத்திய தாக்குதல்களில் குழந்தைகள் கொல்லப்பட்டதை ‘தவிர்க்க முடியாத சேதம்’ என்று அவர் அலட்சியமாகக் குறிப்பிட்டது மனித உரிமை ஆர்வலர்களிடையே கொந்தளிப்பை ஏற்படுத்தியுள்ளது. அணு ஆயுதங்களை ஏவுவதற்கான ரகசிய மெசேஜ்கள் கையாளப்படும் முறை மற்றும் விண்வெளி செயற்கைக்கோள்கள் மூலம் எதிரி நாடுகளைக் கண்காணிக்கும் தொழில்நுட்பங்கள் குறித்தும் அவர் விரிவாகப் பேசியுள்ளார்.
ரசாயன ஆயுதங்கள் தொடர்பான அவரது வெளிப்பாடுகள் மிகுந்த அச்சத்தை ஊட்டுவதாக உள்ளன. மேரிலாந்தில் உள்ள அமெரிக்க ஆய்வகத்தில் ‘சரின்’ (Sarin) போன்ற நரம்பு மண்டலத்தைத் தாக்கும் கொடிய ரசாயனங்கள் இப்போதும் கையிருப்பில் உள்ளதாக அவர் ஒப்புக்கொண்டுள்ளார். மேலும், அந்த ஆய்வகத்தில் பாதுகாப்பு உடைகளை முறையாக அணியாத பெண் ஆய்வாளர் ஒருவர் ரசாயனத் தாக்குதலால் உயிரிழந்த துயரச் சம்பவத்தையும் அவர் அந்தப் பெண்ணிடம் பகிர்ந்துள்ளார். இது அமெரிக்க ராணுவ ஆய்வகங்களின் பாதுகாப்பு நடைமுறைகள் குறித்த கேள்விகளை எழுப்பியுள்ளது.
இந்த விவகாரம் வெளியான சில மணி நேரங்களிலேயே, பென்டகன் நிர்வாகம் ஆண்ட்ரூ ஹக்கை பணியிடை நீக்கம் செய்து அதிரடி உத்தரவிட்டது. இது குறித்து கருத்து தெரிவித்துள்ள ராணுவ செய்தித் தொடர்பாளர் சிந்தியா ஸ்மித், இந்த விவகாரம் தொடர்பாகத் தீவிர விசாரணை நடைபெற்று வருவதாக உறுதிப்படுத்தியுள்ளார். அணு ஆயுதங்களைக் கையாளுபவர்கள் மனதளவில் நிலையானவர்களாக இருக்க வேண்டும் என்று அதே வீடியோவில் பேசிய ஆண்ட்ரூ, அவரே ஒரு அறிமுகமில்லாத பெண்ணிடம் தேசப் பாதுகாப்பை அடகு வைத்தது அமெரிக்க ராணுவ வரலாற்றில் ஒரு கரும்புள்ளியாக மாறியுள்ளது.
கன்னியாகுமரி மாவட்டம் நாகர்கோவிலை அடுத்த இறச்சகுளம் பூங்கா நகரைச் சேர்ந்தவர் சுரேஷ். காவல் நிலையங்களில் பல குற்ற வழக்குகள் நிலுவையில்…
ஆந்திர மாநிலம் பிரகாசம் மாவட்டம், சடலவாடா கிராமத்தில் வீட்டின் வெளியே தூங்கிக் கொண்டிருந்த ஆறு வயது சிறுமி கொடூரமாகக் கடத்தப்பட்டு…
உத்தரப் பிரதேசத்தில் உள்ள மருத்துவக் கல்லூரி மாணவர் விடுதி வளாகத்தில், மாணவர் ஒருவர் சடலமாகக் கண்டெடுக்கப்பட்ட சம்பவம் அதிர்ச்சியை ஏற்படுத்தியுள்ளது.…
உத்தரப் பிரதேச மாநிலம் லக்னோவில் உள்ள சாதத்கஞ்ச் பகுதியில் அமைந்துள்ள சதுர்தாம் கோயிலில், பட்டப்பகலில் நூதனமான திருட்டுச் சம்பவம் நிகழ்ந்துள்ளது.…
தெலங்கானா மாநிலம் பத்ராத்ரி கோத்தகுடெம் மாவட்டம் மனுகுரு பகுதியைச் சேர்ந்த மௌனிகா என்பவர், தனது மகனுடன் பத்ராசலம் நோக்கிச் சென்ற…
மும்பையின் ஜோகேஸ்வரி மேற்கு, ஓஷிவாரா ஆனந்த் நகர் பகுதியில் அமைந்திருக்கும் சுன்னி மசூதி அருகே சிறிய தேநீர்க் கடை ஒன்று…