“இது தேர்வு அல்ல, மாணவர்களின் எதிர்கால விளையாட்டு…” சாமானிய மாணவர்களின் கேள்விக்கு பதறிய அரசு… முடங்கிய டெல்லி… பிரதமர் எடுக்க போகும் அதிரடி முடிவு…!

நாடு முழுவதும் லட்சக்கணக்கான மருத்துவக் கனவுகளுடன் எழுதப்பட்ட நீட் தேர்வு, நடப்பாண்டில் அடுத்தடுத்து அரங்கேறிய குளறுபடிகளால் பெரும் சர்ச்சையைச் சந்தித்துள்ளது. மே மாதத் தொடக்கத்தில் 22 லட்சத்திற்கும் அதிகமான மாணவர்கள் பங்கேற்ற இத்தேர்வில், முறையான பாதுகாப்பு ஏற்பாடுகள் செய்யப்பட்டதாகக் கூறப்பட்டாலும், தேர்வு முடிந்த கையோடு வினாத்தாள் கசிந்ததாகக் குற்றச்சாட்டுகள் எழுந்தன. ராஜஸ்தான் காவல்துறை நடத்திய விசாரணையில், தேர்வுக்கு முன்பே வினாத்தாளில் இருந்த பல கேள்விகள் பரவியது உறுதி செய்யப்பட்டதைத் தொடர்ந்து, நாடு தழுவிய அளவில் மாணவர்களிடையேயும் பெற்றோர்களிடையேயும் பெரும் கொந்தளிப்பும் அதிர்ச்சியும் ஏற்பட்டது.

இதனைத் தொடர்ந்து, சிபிஐ தீவிர விசாரணை மேற்கொண்டு பயிற்சி மைய ஆசிரியர்கள் உட்படப் பலரைக் கைது செய்தது. நிலைமையைக் கட்டுப்படுத்த அரசு மறுதேர்வு அறிவிப்பு, தேர்வு முறைகளில் மாற்றங்கள் மற்றும் விமானப்படை உதவியுடன் வினாத்தாள்களைக் கொண்டு செல்வது போன்ற அதிரடி நடவடிக்கைகளை எடுத்தது. இருப்பினும், தேசிய தேர்வு முகமை அளிக்கும் விளக்கங்களுக்கும் மத்திய கல்வி அமைச்சகத்தின் கூற்றுகளுக்கும் இடையே இருந்த முரண்பாடுகள் எதிர்க்கட்சிகளின் கடும் விமர்சனத்திற்கு உள்ளாகின. இந்த விவகாரம் உச்ச நீதிமன்றம் வரை சென்று எதிரொலித்த நிலையில், தேர்வின் நம்பகத்தன்மை குறித்த சந்தேகங்கள் மேலும் அதிகரித்தன.

தற்போது இச்சம்பவம் மத்திய அரசுக்கும் பிரதமர் மோடிக்கும் ஒரு பெரும் அரசியல் தலைவலியாக உருவெடுத்துள்ளது. கல்வி அமைச்சரின் ராஜினாமாவை வலியுறுத்தி டெல்லியில் தொடர் போராட்டங்கள் தீவிரமடைந்து வருகின்றன. குறிப்பாக, சோனம் வாங்சுக் போன்ற சமூக ஆர்வலர்களின் ஆதரவும், ‘கரப்பான் பூச்சி கட்சி’ உள்ளிட்ட அமைப்புகளின் தொடர் குரல்களும் மாணவர் போராட்டத்திற்குத் தேசிய அளவில் புதிய பரிமாணத்தையும் பெருமளவிலான மக்கள் ஆதரவையும் பெற்றுத் தந்துள்ளன. இதனால், சாதாரணத் தேர்வு முறைகேடாகத் தொடங்கிய இந்த விவகாரம், தற்போது தேசிய அளவிலான மெகா போராட்டமாக உருவெடுத்துள்ளது.