சினிமா வேணாம்.. 4500 ரூபாய் சம்பளம் போதும்…! அக்‌ஷய் குமார் மகன் எடுத்த அதிரடி முடிவு…. பாலிவுட்டில் பரபரப்பு…!!

பாலிவுட் சூப்பர் ஸ்டார் அக்‌ஷய் குமாரின் மகன் ஆரவ், சினிமாவில் ஆர்வம் காட்டாமல் சுயதொழில் தொடங்கும் முயற்சியில் ஈடுபட்டுள்ள செய்தி பலரது கவனத்தையும் ஈர்த்துள்ளது. லண்டனில் ஃபேஷன் டிசைனிங் படிப்பை முடித்த அவர், தற்போது கிராமப்புறங்களில் உள்ள பாரம்பரிய ஆடைகள் மற்றும் அச்சு முறைகள் (Printing) குறித்து நேரில் ஆய்வு செய்து வருகிறார். முன்னணி நடிகரின் மகனாக இருந்தாலும், ஆரவ் தற்போது மாதத்திற்கு வெறும் 4,500 ரூபாய் சம்பளத்தில் வேலை செய்துகொண்டே தொழிலைக் கற்று வருவது பலரையும் வியப்பில் ஆழ்த்தியுள்ளது.

தனது மகனின் விருப்பங்களுக்குத் தடையாக இருக்காமல், அவருக்கு முழு சுதந்திரம் அளித்துள்ளதாக அக்‌ஷய் குமார் நெகிழ்ச்சியுடன் தெரிவித்துள்ளார். ஆரவ் தனது 15 வயதிலேயே லண்டன் சென்று தனக்கான உணவைத் தானே சமைத்துச் சாப்பிடும் அளவுக்குத் தன்னம்பிக்கை கொண்டவர் என்றும், எந்நேரமும் பொது நிகழ்ச்சிகளில் இருந்து விலகியே இருக்க விரும்புவார் என்றும் அவர் குறிப்பிட்டுள்ளார். யாருக்கும் அறிவுரை வழங்கும் பழக்கம் தனக்கில்லை எனக் கூறிய அக்‌ஷய், பிறர் மனம் நோகாமல் நடக்க வேண்டும் என்பதை மட்டும் தனது மகனுக்குக் கற்றுக்கொடுத்துள்ளதாகத் தெரிவித்துள்ளார்.