சினிமாவை பொறுத்தவரையில் எத்தனையோ நடிகர்கள் நடித்துக் கொண்டிருந்தாலும் சிலர் ஒரு சில படங்களில் நடித்துவிட்டு இருந்த இடம் தெரியாமல் காணாமல் போய்விடுவார்கள். அதன் பிறகு அவர்களுடைய புகைப்படங்கள் ஏதாவது வெளியாகி ரசிகர்களை வியக்க வைக்கும். அப்படித்தான் அஜித்தின் ஆரம்பம் திரைப்படத்தில் நடித்த நடிகரின் நிலை குறித்த விவரம் தற்போது வெளியாகி உள்ளது. அதாவது அஜித் நடித்த ஆரம்பம் திரைப்படத்தில் தீவிரவாத குழுவை சேர்ந்தவராக நடித்தவர் தான் சவி சித்து. லக்னோவை சேர்ந்த இவர் சட்டப்படிப்பு படித்த நிலையில் அதன் பிறகு நாடகத் துறையில் சேர்ந்து நடிப்பின் மீது உள்ள ஆர்வத்தால் மும்பைக்கு சென்றார். இவருக்கு கடந்த 1995 ஆம் ஆண்டு பாலிவுட்டில் ஒரு படத்தில் நடிப்பதற்கான வாய்ப்பு கிடைத்தது.
அதன் பிறகு சிறு சிறு வேடங்களில் பல திரைப்படங்களில் நடித்து வந்தார். அப்போதுதான் அஜித் நடித்த ஆரம்பம் திரைப்படத்தில் தீவிரவாதிகள் குழுவில் ஒருவராக நடிக்கக் கூடிய வாய்ப்பு இவருக்கு கிடைத்துள்ளது. இந்த திரைப்படத்தில் இவருக்கு கிடைத்த வரவேற்பை தொடர்ந்து அடுத்தடுத்து சில படங்களில் முக்கிய வேடங்களில் இவர் நடித்தாலும் திறமையான நடிகராக இருந்தாலும் இவரால் திரையுலகில் ஒரு அங்கீகாரம் பெற முடியவில்லை. இதனை தொடர்ந்து திரையுலகில் இருந்து மொத்தமாக விலகிய இவ்வாறு தற்போது ஒரு கட்டிடத்தின் வாட்ச்மேனாக வேலை பார்த்துக் கொண்டிருக்கிறார்.
குறுகிய காலத்திலேயே இவர் தன்னுடைய மனைவி, பெற்றோர் மற்றும் உறவினர்கள் என அனைவரையும் இழந்து தனிமையாக இருப்பதாக கண்ணீருடன் சமீபத்தில் ஊடகம் ஒன்றுக்கு பேட்டி அளித்திருந்தார். வாட்ச்மேன் வேலையில் கிடைக்கக்கூடிய சம்பளம் அடிப்படைத் தேவையை பூர்த்தி செய்யக் கூடியதற்கு போதவில்லை எனவும் 12 மணி நேரம் வேலை செய்த போதும் தன்னால் தியேட்டருக்கு சென்று ஒரு சினிமா கூட பார்க்க முடியவில்லை என்றும் கண்ணீர் மல்க கூறியுள்ளார். தற்போது இந்த செய்தி இணையத்தில் வைரலாக சவி சித்துவுக்கு திரையுலக பிரபலங்கள் தங்களால் முடிந்த உதவியை ஏதாவது செய்ய வேண்டும் என்று சமூக வலைத்தளங்களில் கோரிக்கை எழுந்துள்ளது.