‘தயவு செஞ்சு Family – அ விட்ருங்க.. என்ன நெனைச்சா எனக்கே அசிங்கமா இருக்கு’… பிக் பாசிலிருந்து வெளிவந்த ஐஷு வெளியிட்ட பதிவு வைரல்…

விஜய் தொலைக்காட்சியில் பெரும் ஆரவாரத்துடன் துவங்கிய தமிழ் பிக் பாஸ் நிகழ்ச்சியின் 7-வது சீசன் தொடர்ந்து ஒளிபரப்பாகி வருகின்றது. இந்நிகழ்ச்சியில் மொத்தம் 18 போட்டியாளர்கள் கலந்து கொண்டனர்.  இவர்களைத் தொடர்ந்து  5 வைல்ட் கார்டு போட்டியாளர்களும் பிக் பாஸ் வீட்டில் உள்ளனர். இந்த 18 போட்டியாளர்களில் அனன்யா, பாவா செல்லத்துரை, விஜய் வர்மா, வினுஷா, யுகேந்திரன், பிரதீப் , அன்னபாரதி, ஐஷு   என 8 போட்டியாளர்கள் இதுவரை பிக் பாஸ் வீட்டை விட்டு வெளியேற்றப்பட்டு உள்ளனர். தற்பொழுது பிக் பாஸ் வீட்டில் மொத்தம் 15 போட்டியாளர்கள் உள்ளனர்.

இவர்களில் இந்த வாரம் கானா பாலா தான் இந்த வாரம் பிக் பாஸ் வீட்டை விட்டு வெளியேற்றப்படுவார் என கூறப்படுகிறது. பிக் பாஸ் வீட்டை விட்டு வெளியேறியவர்களில் மாயா gang -ல் சேர்ந்து தனது பெயரை  முழுவதுமாக கெடுத்துக் கொண்டவர் தான் ஐஷு. மேலும் இவர் நிக்சனுடன் விளையாடிய காதல் விளையாட்டும் ரசிகர்களை எரிச்சலடைய வைத்தது.

இவர்கள் பிக் பாஸ் வீட்டில் குறுக்கே கண்ணாடி இருக்க இருவரும் மாறி மாறி முத்தம் குடுத்து கொண்டது,  இதைத்தொடர்ந்து ஐஷு வேட்டி அணிந்திருக்க அதை சரிசெய்ய நிக்சன் முழங்கால் வரை தூக்கி கையை விட்டு சரி செய்தது என பல எல்லை மீறிய செயல்களில் ஈடுபட்டனர். இப்படி ஒரு பக்கம் நிக்சனின் சேர்க்கை, மறுபுறம் மாயா gang உடன் சேர்க்கை என ரசிகர்களின் வெறுப்பை மொத்தமாக சம்பாதித்தார் ஐஷு.

இதனால் அவர் மக்கள் மத்தியில் குறைந்த வாக்குகள் பெற்று கடந்த வாரம் பிக் பாஸ் வீட்டை விட்டு வெளியேற்றப்பட்டார். இந்நிலையில் அவர் முதன் முதலாக ட்விட்டர் பக்கத்தில் பிக் பாஸ் வீட்டில் தான் செய்த அனைத்து தவறுகளுக்கும் மொத்தமாக மன்னிப்பு கேட்டு பதிவு ஒன்றை வெளியிட்டுள்ளார். தற்பொழுது அவரின் இந்த பதிவானது இணையத்தில் வைரலாக பார்க்கப்பட்டு வருகிறது.