2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. ஒரு பக்கம் தனது கூட்டணியை பலமாக வைத்திருக்கும் திமுக மீண்டும் தங்கள் ஆட்சியை நிலைநாட்டி விடலாம் என்ற எண்ணத்தில் செயல்பட்டு வருகிறது. மறுபக்கம் அதிமுக மற்றும் பாஜக கூட்டணி வைத்துள்ளதால் இபிஎஸ் தலைமையில் ஆட்சியை அமைப்பதற்கான வேலைகளை செய்து கொண்டிருக்கிறது. இவர்களுக்கு நடுவே விஜயும் களத்தில் இறங்கியுள்ளதால் 2026 தேர்தல் களம் பரபரப்பாகவே பார்க்கப்படுகிறது.
இந்நிலையில் TVK அதிமுக கூட்டணிக்குள் வந்தால், பாஜகவை எடப்பாடி கழட்டிவிட்டு விடுவார் என்று அரசியல் விமர்சகர்கள் கூறி வருகின்றனர். இந்த நிலையில், புதிய நண்பனுக்காக (தவெக), பழைய நண்பனை (பாஜக) கைவிடும் பழக்கம் அதிமுகவுக்கு இல்லை என செம்மலை தெரிவித்துள்ளார். மேலும், பேரவை தேர்தலில் அதிமுக வலுவான கூட்டணி அமைக்கும் என்றும், திமுகவுக்கு எதிரான கட்சிகள் கூட்டணிக்கு வர அழைப்பும் விடுத்துள்ளார்.