தமிழக சட்டமன்றத் தேர்தலில் விஜய் தலைமையிலான தமிழக வெற்றிக் கழகம் 108 இடங்களில் வெற்றி பெற்று, காங்கிரஸ், விசிக மற்றும் இடதுசாரிகளின் ஆதரவுடன் ஆட்சியைப் பிடித்துள்ளது. மே 10-ஆம் தேதி விஜய் முதல்வராகப் பதவியேற்ற நிலையில், நாளை நடைபெற உள்ள நம்பிக்கை வாக்கெடுப்பில் அவர் எளிதாக வெற்றி பெறுவார் என எதிர்பார்க்கப்படுகிறது. திமுக கூட்டணியில் உள்ள பெரும்பாலான கட்சிகளும், அதிமுகவின் ஒரு பிரிவினரும் விஜய்க்கு ஆதரவளிக்க முன்வந்துள்ளதால், தவெக அரசுக்கான மெஜாரிட்டி உறுதியாகியுள்ளது.
தேர்தலில் 47 இடங்களுடன் மூன்றாவது இடத்திற்குத் தள்ளப்பட்ட அதிமுகவில், தோல்விக்கு எடப்பாடி பழனிசாமி பொறுப்பேற்க வேண்டும் என்ற குரல் வலுத்துள்ளது. ஒரு தரப்பினர் எடப்பாடி பழனிசாமியை சட்டமன்றக் குழுத் தலைவராக முன்னிறுத்த, சி.வி.சண்முகம் மற்றும் எஸ்.பி.வேலுமணி தலைமையிலான மற்றொரு தரப்பினர் அதற்கு கடும் எதிர்ப்புத் தெரிவித்துள்ளனர். பெரும்பாலான எம்.எல்.ஏ-க்களின் ஆதரவுடன் வேலுமணியை சட்டமன்றத் தலைவராக நியமிக்கக் கோரி தற்காலிக சபாநாயகரிடம் மனு அளிக்கப்பட்டுள்ளது, இது கட்சியில் மிகப்பெரிய பிளவை ஏற்படுத்தியுள்ளது.
விஜய் மெஜாரிட்டியை நிரூபிக்கப் போராடியபோது அதிமுக ஆதரவு அளித்திருந்தால் ஆட்சி அதிகாரத்தில் பங்கெடுத்திருக்கலாம் என்பது ஒரு தரப்பினரின் வாதமாக உள்ளது. இந்நிலையில், சி.வி.சண்முகம் மற்றும் வேலுமணி அணியினர் விஜய்யின் அரசுக்கு முழு ஆதரவு அளித்து அமைச்சரவையில் இடம்பெறத் திட்டமிட்டுள்ளனர். இதன் ஒரு பகுதியாக, இன்று மதியம் 2 மணிக்கு முதல்வர் விஜய், முன்னாள் அமைச்சர் சி.வி.சண்முகத்தை நேரில் சந்திக்க உள்ளதாகத் தகவல்கள் வெளியாகியுள்ளன.
லால்குடி அதிமுக எம்.எல்.ஏ-வும், லாட்டரி மார்ட்டினின் மனைவியுமான லீமா ரோஸ், ஏற்கனவே தவெக-வுடன் கூட்டணி வைக்க வேண்டும் என்பதில் உறுதியாக இருந்தவர். தற்போது சி.வி.சண்முகம் மற்றும் வேலுமணி தரப்பினர் அதிமுகவை முழுமையாகக் கைப்பற்ற முயற்சித்து வருகின்றனர். சட்டமன்றத்தில் தங்களை அதிகாரப்பூர்வ அணியாக நிலைநிறுத்த மூன்றில் இரண்டு பங்கு எம்.எல்.ஏ-க்களின் ஆதரவைத் திரட்டும் முனைப்பில் அவர்கள் ஈடுபட்டுள்ளனர். இந்த உட்கட்சி மோதல் மற்றும் கட்சித் தாவல் விவகாரங்கள் தமிழக அரசியலில் பெரும் பரபரப்பை ஏற்படுத்தியுள்ளன.
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…
அமெரிக்காவில் கால்பந்து போட்டிக்கு முன்னதாக நடைபெற்ற ராணுவ வான்வழி சாகசத்தின் போது ஹெலிகாப்டர் மிக அருகில் பட்டாசுகள் வெடித்துச் சிதறிய…
மத்தியப் பிரதேசத்தில் மாசடைந்த அஜ்னார் நதியைத் தொடர்ச்சியாகச் சுத்தம் செய்து வந்த பிரபல சுற்றுச்சூழல் ஆர்வலர் பிட்டு தபாஹி, நச்சுநீரால்…
கடந்த திமுக ஆட்சிக் காலத்தில் உயர்கல்வித்துறையில் நடந்தாகக் கூறப்படும் நிதி மற்றும் நிர்வாக முறைகேடுகள் குறித்து முழுமையான விசாரணை நடத்தப்படும்…