அதிமுகவில் அடுத்தடுத்து அரங்கேறி வரும் அரசியல் நகர்வுகள் தமிழக அரசியலில் பெரும் பரபரப்பை ஏற்படுத்தியிருக்கும் நிலையில், எடப்பாடி பழனிசாமி (EPS) கரங்கள் மீண்டும் வலுவடையத் தொடங்கியுள்ளதாகத் தகவல்கள் கசியத் தொடங்கியுள்ளன. முதல்வர் விஜய் தலைமையிலான புதிய அமைச்சரவையில் தங்களுக்கு இடமில்லை என்பது உறுதியானதைத் தொடர்ந்து, எஸ்.பி. வேலுமணி அணியில் இருந்த 7 சட்டமன்ற உறுப்பினர்கள் (MLA-க்கள்) மீண்டும் இபிஎஸ் பக்கம் தங்களது ஆதரவைத் திருப்ப முடிவு செய்துள்ளதாகக் கூறப்படுகிறது.
குறிப்பாக, பாலக்கோடு தொகுதி எம்.எல்.ஏ கே.பி. அன்பழகன் மற்றும் பாப்பிரெட்டிபட்டி தொகுதி எம்.எல்.ஏ மரகதம் வெற்றிவேல் ஆகியோர் இந்த அதிரடிப் பட்டியலில் முன்னணியில் இருப்பதாகத் தெரிகிறது; ஆளுங்கட்சி அமைச்சரவையிலும் இடம் கிடைக்காமல், அதே நேரத்தில் தங்கள் பகுதி தொண்டர்களின் அதிருப்திக்கும், கோபத்திற்கும் ஆளாக விரும்பாததே இந்த திடீர் அரசியல் மாற்றத்திற்குக் முக்கியக் காரணம் என கட்சி வட்டாரங்கள் தெரிவிக்கின்றன.