செயற்கை நுண்ணறிவு (AI) தொழில்நுட்பத்தைப் பயன்படுத்தி உருவாக்கப்படும் வீடியோக்களில், அது ‘AI-ஆல் உருவாக்கப்பட்டது’ (AI Generated) என்ற லேபிளை வீடியோவின் தொடக்கம் முதல் முடிவு வரை திரையில் கட்டாயம் இடம்பெறச் செய்ய வேண்டும் என்று ஒன்றிய அரசு புதிய ஐடி (IT) விதி திருத்தங்களை முன்மொழிந்துள்ளது. சமூக வலைதளங்களில் பரவி வரும் போலி வீடியோக்கள் மற்றும் தவறான தகவல்களைக் கட்டுப்படுத்தும் நோக்கில் இந்த அதிரடி நடவடிக்கை எடுக்கப்பட்டுள்ளது.
இந்த புதிய விதிமுறையின்படி, பார்வையாளர்கள் பார்க்கும் வீடியோ உண்மையானதா அல்லது ஏஐ மூலம் உருவாக்கப்பட்டதா என்பதை எளிதில் கண்டறிய முடியும். தொழில்நுட்ப வளர்ச்சி தவறான வழிகளில் பயன்படுத்தப்படுவதைத் தடுக்கவும், டிஜிட்டல் தளங்களில் வெளிப்படைத்தன்மையைக் கொண்டு வரவும் இந்தத் திருத்தங்கள் மிக முக்கியமானதாகக் கருதப்படுகிறது.