தமிழ் சினிமாவில் முன்னணி நடிகராக புகழ் பெற்ற நடிகராக இருப்பவர் அஜித்குமார். எந்த ஒரு சினிமா பின்புறமும் இல்லாத குடும்பத்தில் இருந்து வந்து சினிமாவில் தனக்கென தனி இடத்தை பிடித்திருக்கிறார். கார் ரேஸிங்கில் அதிக ஆர்வம் கொண்ட அஜித்குமார் தனது 18 வது வயதில் இருந்தே கார் ரேஸிங்கில் ஈடுபட்டு வந்தார். அந்த நேரத்தில் மாடலிங்கும் செய்து வந்தார். அதன் மூலம் அஜித்குமாருக்கு சினிமாவில் நடிக்கும் வாய்ப்பு கிடைத்தது.
1990களில் தமிழ் சினிமாவில் நாயகனாக அறிமுகமான அஜித்குமார் காதல் மன்னன், வாலி, அமர்க்களம், பூவெல்லாம் உன் வாசம் போன்ற பல வெற்றி படங்களில் நடித்து தமிழ் சினிமாவின் சாக்லேட் பாயாக லவ்வர் பாயாக வலம் வந்தார் அஜித்குமார். 2000 காலகட்டத்திற்கு பல கமர்சியல் வெற்றி திரைப்படங்களில் நடித்து புகழின் உச்சிக்கு சென்று முன்னணி நடிகராக ஆனார் அஜித்குமார்.
என்னதான் பிசியாக நடித்தாலும் கார் ரேசிங்கில் ஈடுபடுவதை அவர் நிறுத்தவில்லை. அவ்வபோது அதிலும் பங்கேற்று வந்தார். தற்போது இவரது அணி துபாயில் நடந்த கார் ரேஸிங்கில் பங்கேற்று மூன்றாவது இடத்தை பிடித்தது. பிறகு அவருக்கு பத்மபூஷன் விருதும் அளிக்கப்பட்டது. இந்நிலையில் கடந்த ஆறாம் தேதி அஜித் நடித்த விடாமுயற்சி திரைப்படம் ரிலீஸ் ஆனது. அதற்கு அடுத்ததாக வருகிற ஏப்ரல் பத்தாம் தேதி அவர் நடித்த Good Bad Ugly திரைப்படமும் வெளியாக இருக்கிறது என்று கூறப்படுகிறது.
Good Bad Ugly படத்திற்கு பிறகு அஜித்குமார் எந்த இயக்குனருடன் இணைவார் என்ற பல பேச்சுகள் சினிமா வட்டாரங்களில் நிலவி வருகிறது. ஏற்கனவே அஜித்குமாரிடம் இயக்குனர்களிடம் வெங்கட் பிரபு, விஷ்ணுவரதன், நிதிலன் சுவாமிநாதன், விக்னேஷ் ஆகிய இயக்குனர்கள் ஒரு ஸ்கிரிப்ட் லைனை அஜித்குமாரிடம் கூறியிருக்கிறார்களாம். இவர்களில் யாராவது ஒருவர் அஜித் குமாருடன் இணையலாம் என்று கூறப்படுகிறது. அவர் யார் என்பதுதான் சஸ்பென்ஸ் ஆகவே இருந்து வருகிறது.