“நோ சமாதானம்… நோ காம்ப்ரமைஸ்”…. எடப்பாடி பழனிசாமிக்கு சி.வி.சண்முகம் வைத்த ‘செக்’…. விடிய விடிய நடந்த ஆலோசனை…. அதிமுகவில் உச்சகட்ட பரபரப்பு….!

அதிமுகவில் உட்கட்சி அரசியல் சூடுபிடித்துள்ள நிலையில், கட்சியின் அடுத்தகட்ட நடவடிக்கைகள் குறித்து மூத்த நிர்வாகிகள் தீவிர ஆலோசனையில் ஈடுபட்டு வருகின்றனர். சென்னை பாலவாக்கத்தில் உள்ள சி.வி.சண்முகம் இல்லத்தில் எஸ்.பி.வேலுமணி, நத்தம் விஸ்வநாதன், கே.பி.அன்பழகன் உள்ளிட்டோர் நேற்று இரவு மீண்டும் சந்தித்து முக்கிய ஆலோசனை நடத்தியுள்ளனர். தங்களுக்குப் பழைய பொறுப்புகளை மீண்டும் வழங்க வேண்டும் என எடப்பாடி பழனிசாமிக்கு எஸ்.பி.வேலுமணி தரப்பில் இரு முறை கடிதம் எழுதியும் எந்த முன்னேற்றமும் இல்லாததால் இந்தச் சந்திப்பு நடந்துள்ளதாகத் தெரிகிறது. முன்னதாக, மத்திய உள்துறை அமைச்சர் அமித் ஷாவைச் சந்தித்த வேலுமணி ஆதரவாளர்களிடம் சமரசமாகச் செல்ல அறிவுறுத்தப்பட்ட நிலையில், பொதுச்செயலாளர் இபிஎஸ்சுடன் இணைந்து பயணித்து மீண்டும் மாவட்டச் செயலாளர் பொறுப்புகளைப் பெறலாம் என வேலுமணி தரப்பு கருதியதாகக் கூறப்படுகிறது.

இருப்பினும், எடப்பாடி பழனிசாமியுடன் இனி எவ்வித சமாதானமும் செய்யக் கூடாது என்பதில் சி.வி.சண்முகம் மிகவும் உறுதியாக இருப்பதாகக் கட்சி வட்டாரத் தகவல்கள் தெரிவிக்கின்றன. சமரசப் போக்கைக் கடைப்பிடித்து பொறுப்புகளைப் பெறலாம் என்ற வேலுமணியின் கருத்துக்கு மாறாக, சி.வி.சண்முகம் எடுத்துள்ள இந்தத் தீவிர நிலைப்பாடு அதிமுக தொண்டர்களிடையே பெரும் பரபரப்பை ஏற்படுத்தியுள்ளது. தலைமைக்கு எதிரான இந்த இழுபறியும் உட்கட்சிப் பூசலும் அடுத்தகட்டமாக எங்கு போய் முடியும் என்ற கேள்வி தற்போது அக்கட்சியில் வலுத்து வருகிறது.