தமிழகத்தில் தமிழக வெற்றிழகம் ஆட்சிப் பொறுப்பேற்று 4 மாதங்கள் நிறைவடைந்துள்ள நிலையில், அரசின் நிர்வாகக் குளறுபடிகள் மற்றும் வாக்குறுதி மீறல்களைச் சுட்டிக்காட்டி எதிர்க்கட்சிகள் தங்களது விமர்சனக் கணைகளைத் தொடுக்கத் தொடங்கியுள்ளன. திருச்சியில் நடைபெற்ற அதிமுக நிர்வாகியின் திருமண விழாவில் பங்கேற்றுப் பேசிய கட்சியின் பொதுச்செயலாளர் எடப்பாடி பழனிசாமி, புதிய அரசின் செயல்பாடுகள் குறித்துக் கடுமையான புகார்களை முன்வைத்துள்ளார். குறிப்பாக, மாநிலத்தில் நிலவும் விலைவாசி உயர்வு மற்றும் மின்வெட்டு போன்ற அத்தியாவசியப் பிரச்சனைகளில் கவனம் செலுத்தாமல், முதலமைச்சர் விஜய் லண்டன் பயணம் மேற்கொண்டிருப்பதை அவர் சுட்டிக்காட்டினார்.
முதலமைச்சரின் லண்டன் பயணம் குறித்துப் பேசிய எடப்பாடி பழனிசாமி, தொழில் முதலீடுகளை ஈர்த்து இளைஞர்களுக்கு வேலைவாய்ப்புகளை வழங்குவதற்காகவே அவர் வெளிநாடு சென்றிருப்பார் என மக்கள் எதிர்பார்த்ததாகக் கூறினார். ஆனால், நாளிதழ்களில் வெளிவந்துள்ள புகைப்படங்களைப் பார்க்கும்போது முதலீடுகளை ஈர்ப்பதற்கான அறிகுறிகளே தெரியவில்லை என்றும், அது யாருடைய புகைப்படம் என்பதை மக்களே முடிவு செய்துகொள்ளட்டும் என்றும் விமரிசித்தார். மேலும், அதிமுக ஆட்சிக் காலத்தில் தமிழகம் தடையற்ற மின்சாரம் பெறும் மாநிலமாக மாற்றப்பட்டதை நினைவுகூர்ந்த அவர், தற்போதைய ஆட்சியில் அடிக்கடி ஏற்படும் மின்வெட்டால் பொதுமக்கள் பெரிதும் அவதிப்படுவதாகக் குற்றம்சாட்டினார்.
விவசாயிகள் விவகாரத்திலும் தவெக அரசு அளித்த வாக்குறுதிகளை நிறைவேற்றாமல் ஏமாற்றிவிட்டதாகத் தனது உரையில் அவர் சுட்டிக்காட்டினார். 5 ஏக்கருக்குக் குறைவாக உள்ள சிறு, குறு விவசாயிகளுக்கு முழு நிலக்கடனும், 5 ஏக்கருக்கு மேல் உள்ளவர்களுக்குப் பாதி கடனும் தள்ளுபடி செய்யப்படும் எனத் தேர்தல் நேரத்தில் வாக்குறுதி அளிக்கப்பட்டது. ஆனால், ஆட்சிக்கு வந்த பிறகு ரூ.75,000 மட்டுமே தள்ளுபடி என்றும், அதுவும் ஒரு லட்சத்திற்கு மேல் கடன் பெற்றவர்களுக்கு வெறும் ரூ.35,000 மட்டுமே தள்ளுபடி செய்யப்படும் என்றும் அறிவித்து விவசாயிகளின் நம்பிக்கையை இந்த அரசு பொய்ப்பித்துவிட்டதாகத் தெரிவித்தார்.
அரசின் தவறான கொள்கைகளாலும் நிர்வாகச் சீர்கேட்டினாலும் தமிழகம் முழுவதும் விவசாயிகள் வீதியில் இறங்கிப் போராடும் சூழல் உருவாகியுள்ளதாகவும் அவர் குறிப்பிட்டார். டெல்டா உள்ளிட்ட பல பகுதிகளில் விவசாயிகள் உற்பத்தி செய்த நெல்லை அரசு நேரடியாகக் கொள்முதல் செய்யாததால், அவை திறந்தவெளியில் கொட்டி வைக்கப்பட்டு மழையில் நனைந்து முளைவிட்டு வீணாகியுள்ளன. தேர்தல் நேரத்தில் கொடுத்த வாக்குறுதிகளைக் காற்றில் பறக்கவிட்டு, மக்களைப் பாதிப்புக்குள்ளாக்கியுள்ள இந்த தவெக அரசின் செயல்பாடுகளுக்கு எதிராகவும், விவசாயிகளின் உரிமைகளுக்காகவும் அதிமுக தொடர்ந்து குரல் கொடுக்கும் என எடப்பாடி பழனிசாமி வலியுறுத்தினார்.
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…
அமெரிக்காவில் கால்பந்து போட்டிக்கு முன்னதாக நடைபெற்ற ராணுவ வான்வழி சாகசத்தின் போது ஹெலிகாப்டர் மிக அருகில் பட்டாசுகள் வெடித்துச் சிதறிய…
மத்தியப் பிரதேசத்தில் மாசடைந்த அஜ்னார் நதியைத் தொடர்ச்சியாகச் சுத்தம் செய்து வந்த பிரபல சுற்றுச்சூழல் ஆர்வலர் பிட்டு தபாஹி, நச்சுநீரால்…
கடந்த திமுக ஆட்சிக் காலத்தில் உயர்கல்வித்துறையில் நடந்தாகக் கூறப்படும் நிதி மற்றும் நிர்வாக முறைகேடுகள் குறித்து முழுமையான விசாரணை நடத்தப்படும்…