60 ஆண்டுகால பகை முடிவுக்கு வருகிறதா?…. விஜயை வீழ்த்த ஒன்று சேரும் இபிஎஸ் – ஸ்டாலின்?… சவுக்கு சங்கர் உடைத்த ‘ஷாக்’ ரகசியம்… அதிர்ச்சியில் தமிழகம்….!

தமிழக அரசியலில் கடந்த 60 ஆண்டுகளுக்கும் மேலாக திமுகவும் அதிமுகவும் இரு பெரும் துருவங்களாக விளங்கி, மாறி மாறி ஆட்சிக்கட்டிலில் அமர்ந்து வந்தன. திமுகவை எதிர்த்து எம்.ஜி.ஆர் தொடங்கிய அதிமுகவும், அவருக்குப் பின் வந்த ஜெயலலிதாவும் திமுகவை ‘தீய சக்தி’ என்று கடுமையாக விமர்சித்து வந்த நிலையில், தமிழக மக்கள் இந்த இரு கட்சிகளில் ஏதேனும் ஒன்றையே தேர்ந்தெடுக்கும் கட்டாயத்தில் இருந்தனர். ஆனால், இரண்டு ஆண்டுகளுக்கு முன்பு ‘தமிழக வெற்றிக் கழகம்’ என்ற கட்சியைத் தொடங்கிய நடிகர் விஜய், நடந்து முடிந்த சட்டமன்றத் தேர்தலில் 108 தொகுதிகளில் வென்று புதிய முதலமைச்சராகப் பொறுப்பேற்றுள்ளது, இந்த இரு பாரம்பரியக் கட்சிகளின் அஸ்திவாரத்தையும் உலுக்கியுள்ளது.

தற்போது திமுக கூட்டணி பலம் இல்லாமல் வெறும் 59 எம்.எல்.ஏ-க்களுடனும், அதிமுக 47 எம்.எல்.ஏ-க்களுடனும் சட்டமன்றத்தில் சுருங்கிப் போயுள்ளன. இதில் அதிமுகவின் 6 சட்டமன்ற உறுப்பினர்கள் ஏற்கனவே தங்களது பதவிகளை ராஜினாமா செய்துவிட்டு தவெகவில் இணைந்துவிட்டது அக்கட்சிக்குப் பெரும் பின்னடைவாகக் கருதப்படுகிறது. இந்த பலவீனத்தைப் பயன்படுத்திக் கொள்ளும் முதலமைச்சர் விஜய், திமுகவை ‘தீய சக்தி’ என்றும், அதிமுகவை ‘தீர்ந்து போன சக்தி’ என்றும் விமர்சித்து இரு கட்சிகளின் மக்கள் செல்வாக்கையும் கேள்விக்குள்ளாக்கி வருகிறார். தங்களுக்கு பெரும்பான்மை இல்லாதபோது, திமுகவின் மறைமுக ஆதரவோடு அதிமுக ஆட்சியமைக்க முயன்றதாக சி.வி. சண்முகம் கூறிய செய்தி, இக்கட்சிகளின் மீதான பொதுமக்களின் நன்மதிப்பை மேலும் குறைத்துள்ளது.

தங்களது அரசியல் எதிர்காலமே கேள்விக்குறியாகிவிடும் என்ற அச்சத்தில் இருக்கும் திமுகவும் அதிமுகவும், தவெகவை வீழ்த்துவதற்கு வரலாற்றிலேயே இல்லாத வகையில் கைகோர்க்கத் திட்டமிட்டு வருவதாக அரசியல் வட்டாரங்களில் பரபரப்பான பேச்சு எழுந்துள்ளது. அண்மையில் திமுக, பாஜகவுடன் கூட்டணி வைக்க விரும்புவதாகச் செய்திகள் வெளியான நிலையில், விஜய்க்கு மக்களிடையே பெருகி வரும் பேராதரவைக் கண்டு, இரு திராவிடக் கட்சிகளும் இணைந்து ஒரே அணியாகத் தேர்தலைச் சந்தித்தால் மட்டுமே தவெகவின் அசுர வளர்ச்சியைத் தடுக்க முடியும் என உணர்ந்துள்ளதாகத் தெரிகிறது.

தமிழக மக்கள் இதுவரை கற்பனை செய்துகூடப் பார்க்காத ஒரு மாபெரும் அரசியல் மாற்றம் வரும் காலங்களில் நிகழலாம் என அரசியல் விமர்சகர்கள் கணிக்கின்றனர். தவெகவின் அசுர பலத்தை தனியாகவோ அல்லது தற்போதைய கூட்டணிகளுடனோ எதிர்கொண்டு வெல்ல முடியாது என்பதை உணர்ந்ததால்தான், வேறு வழியின்றி திமுக – அதிமுக கூட்டணி என்ற புதிய அத்தியாயம் உருவாகத் தொடங்கியுள்ளது என்று பிரபல பத்திரிகையாளர் சவுக்கு சங்கர் கூறியிருப்பது தமிழக அரசியலில் தற்போதைய விவாதப் பொருளாக மாறியுள்ளது.