விஜய் டிவியில் ஒளிபரப்பாகும் குக் வித் கோமாளி நிகழ்ச்சியை பார்ப்பதற்கு ஏராளமான ரசிகர்கள் இருக்கின்றனர். அதற்கு போட்டியாக சன் டிவி டாப் குக்கு டூப் குக்கு என்ற நிகழ்ச்சியை தொடங்கியது. இந்த நிலையில் விஜய் டிவியில் வேலை பார்த்த வெங்கடேஷ் பட் சமீபத்தில் குக் வித் கோமாளி நிகழ்ச்சியில் இருந்து விலகி விட்டார். எளிமையான சமையல் முதல் கடினமான சமையல் வரை இவருக்கு அத்துப்படி. குக் வித் கோமாளி நான்கு சீசன்களில் நடுவராக இருந்து ரசிகர்களின் மனதை கவர்ந்தார்.
இந்த நிலையில் குரேஷி எடுக்கும் பேட்டியில் வெங்கடேஷ் பட் கலந்து கொண்டார். அதில், ஸ்ரீதேவி குறித்து பேசிய வெங்கடேஷ் பட், இவங்க ரொம்ப ஸ்வீட். நாங்கள் இருவரும் அவ்வளவு க்ளோஸ். ஸ்ரீநகரில் கார்கில் முடிந்து வீரர்களுக்காக ஒரு கெட் டூ கெதர் இருந்தது. அப்போ ஸ்ரீதேவி அதில் கலந்து கொண்டு வீரர்களுடன் என்னை பற்றி பேசினார். பிறகு எனக்கு போன் செய்து நான் வர நைட் ரெண்டு மணி ஆகும் அதுக்குள்ள எனக்கு பிடிச்சதெல்லாம் கொஞ்சம் சமைத்து வைங்க நான் வரேன் என்று கூறிவிட்டு தனியா ஃப்ளைட் புடிச்சு என் சாப்பாடு சாப்பிடுவதற்காக நைட் இரண்டு மணிக்கு வந்தாங்க. அப்போதான் எனக்கு நிச்சயதார்த்தம் முடிந்திருந்தது.
ஸ்ரீதேவி வந்ததும் அவரிடம் போன் கொடுத்து என் மனைவியிடம் பேச சொன்ன போது அவ்வளவு க்யூட்டா பேசினாங்க. ஸ்ரீதேவி ஹோட்டலில் சாப்பிடும் சமயத்தில் அவருடைய மகள் ஜான்வியை கையில் வைத்துக்கொண்டு அந்த ஹோட்டலையே சுத்தி வருவேன். ஸ்ரீதேவி இப்போ நம்ம கூட இல்ல. அவங்க கூட இருந்த நாட்கள மறக்கவே முடியாது என்று வெங்கடேஷ் பட் பேசியுள்ளார்.