தமிழ் சினிமாவில் நடிகையாக பின்னணி பாடகியாக வலம் வருபவர் நடிகை ஸ்ருதிஹாசன். சமீபத்தில் நேர்காணல் ஒன்றில் பேசிய நடிகை ஸ்ருதிஹாசன் கூறியதாவது, கடந்த 2018ம் ஆண்டில் நடிப்பிலிருந்து கொஞ்ச காலம் நான் இடைவெளி எடுத்து ஒதுங்கி இருந்தேன். அந்த இடைவெளியில் நான் யார் என்பதை மறுமதிப்பீடு செய்தேன். என்னை நானே சோதனை செய்து அறிவதற்கான நேரமாக அதை பயன்படுத்திக் கொண்டேன். நான் பல ஆண்டுகளாக கடுமையான பதட்டத்தால் அவதிப்பட்டேன். அந்த பதட்டத்துடன் தினசரி நடவடிக்கைகளை என்னால் தொடர முடியவில்லை.
நான் எதைத் தேடுகிறேன். நான் யார் என்பதில் தெளிவில்லாமல் இருந்தேன். அப்போது நான் லண்டனில் இருந்தேன். அங்கே இசையின் மூலம் என்னை நான் மீண்டும் கண்டெடுத்தேன். தினமும் என் உடைகளை நானே துவைப்பது எனக்கான உணவை நானே சமைப்பது மெட்ரோ ரயிலில் பயணிப்பது எழுத்து பயிற்சி செய்வது இசை கற்பது என்று எனது தினசரி வாழ்க்கையை அமைத்துக் கொண்டேன். இப்போதும் ஒரு கலைஞராக இருப்பதை மிகவும் விரும்புகிறேன். அதுதான் எனக்கு மகிழ்ச்சியை தருகிறது என்று நடிகை ஸ்ருதிஹாசன் அதில் கூறியிருக்கிறார்.