ரஜினியின் எளிமையைக் கலாய்த்த ராதிகா… அதுக்கப்புறம் இப்படிதான் நடந்துகொள்வாராம் –சுவாரஸ்யத் தகவல்!

தமிழ் சினிமாவில் 40 ஆண்டுகளுக்கும் மேலாக சூப்பர் ஸ்டாராக வலம் வந்து கொண்டிருக்கிறார் ரஜினிகாந்த். அவர் படங்கள் இன்றளவும் வசூல் சாதனை படைத்து வருகின்றன. சமீபத்தில் அவர் நடித்த ஜெயிலர் திரைப்படம் 600 கோடி ரூபாய்க்கு மேல் வசூலித்து சாதனை படைத்தது. 1975 ஆம் ஆண்டு வெளியான அபூர்வ ராகங்கள் திரைப்படத்தின் மூலமாக தமிழ் சினிமாவில் அறிமுகமானார் ரஜினிகாந்த். அந்த படத்தில் ஒரு மிகச்சிறிய வேடமே அவருக்குக் கொடுக்கப்பட்டு இருந்தது.

அதன் பிறகு மூன்று முடிச்சு உள்ளிட்ட திரைப்படங்களில் வில்லனாக நடித்து தனக்கென ஒரு ஸ்டைலை உருவாக்கினார். அதன் பின்னர் அவர் தொட்டதெல்லாம் வெற்றிதான். அதிலிருந்து இப்போது வரை தமிழ் சினிமாவின் மாஸ் மகாராஜாவாக இருக்கிறார். தற்போது தன்னுடைய 73 வயதிலும் தன்னுடைய அடுத்த தலைமுறை நடிகர்களான விஜய், அஜித் ஆகியோருக்கு போட்டியாக களத்தில் நிற்கிறார்.

இந்நிலையில் சமீபத்தில் அவரின் அடுத்த படமான ‘ஜெயிலர் 2’ படத்தின் அறிமுக முன்னோட்ட வீடியோ வெளியானது. அதில் சில ஷாட்களில் நடித்திருப்பது ரஜினியே இல்லை என்றும் டூப் என்றும் விமர்சனங்கள் எழுந்தன. இதையடுத்து அந்த கிள்ம்ப்ஸ் வீடியோவின் மேக்கிங் வீடியோவை வெளியிட்ட தயாரிப்பு நிறுவனம், அதில் ரஜினிகாந்த் நடித்துள்ளதை உறுதி செய்தது.

ரஜினிகாந்த் திரையில் மாஸ் மகாராஜாவாக வலம் வந்தாலும் எப்போதும் நிஜ வாழ்க்கையில் மிக எளிமையானவர். நடிகர்கள் புறத்தோற்றத்துக்கு அதிக அக்கறை எடுத்துக்கொள்வது வாடிக்கை. ஆனால் ரஜினிகாந்த் தன்னுடைய வழுக்கைத் தலையோடு வெளியே வருவதற்கு எப்போதும் தயங்குவதில்லை.

இந்நிலையில் ரஜினிகாந்தின் எளிமை பற்றி நடிகை ராதிகா ஒரு சம்பவத்தைப் பகிர்ந்துள்ளார். அதில் “நான் ஒரு நிகழ்ச்சியில் ரஜினி சாரை, லதாவோடு பார்த்தேன். அப்போது ரஜினி சார் சாதாரண ரப்பர் செருப்பு அணிந்திருந்தார். வெளியில்தான் சூப்பர் ஸ்டார். ஆனால் ரப்பா செருப்பா என்று கேட்டு நக்கலடித்தேன். அதில் இருந்து எப்போது என்னை அவர் பார்த்தாலும், கீழே குனிந்து தன் காலைப் பார்க்க ஆரம்பித்துவிடுவார்” எனக் கூறியுள்ளார்.