தமிழ் சினிமாவில் மாடல் மற்றும் நடிகையாகவும் வலம் வருபவர் நடிகை மனிஷா யாதவ். இவர் முதன்முதலில் தமிழ் சினிமாவில் வழக்கு எண் 18/19 என்ற திரைப்படத்தின் மூலம் அறிமுகமானார்.இவர் நடித்த முதல் திரைப்படம் ஓரளவு நல்ல வரவேற்பு பெற்றதால் அடுத்தடுத்து பட வாய்ப்புகள் அமைந்தது. அடுத்ததாக தமிழில் இவர் ‘ஆதலால் காதல் செய்வீர்’ என்ற திரைப்படத்தில் நடித்து ரசிகர்களிடம் மிகவும் பிரபலமடைந்தார்.
இந்த திரைப்படத்தில் மாறுபட்ட கதாபாத்திரத்தில் நடித்திருந்ததால், கொஞ்சம் விமர்சனங்களையும் பெற்றார். அதன் பிறகு ஜன்னல் ஓரம், திரிஷா இல்லனா நயன்தாரா, சென்னை 600028, ஒரு குப்பை கதை என பல திரைப்படங்களில் நடித்து வந்தார். இவர் என்னதான் பல திரைப்படங்களில் நடித்திருந்தாலும் ஒரு காலகட்டத்தில் இவருக்கு வாய்ப்பு கிடைக்காமல் போனது. நடிகை மனிஷா யாதவ் தொழிலதிபரான வர்னித்தை காதலித்து திருமணம் செய்து கொண்டார்.
தற்பொழுது நடிகை மனிஷா யாதவை இயக்குனர் சீனு ராமசாமி பாலியல் தொந்தரவு கொடுத்த விவகாரம் தான் ஹாட் டாபிக்காக சென்று கொண்டுள்ளது. தமிழ் சினிமாவில் பல ஹிட் படங்களை கொடுத்த இயக்குனர்களில் முக்கியமானவர் இயக்குனர் சீனு ராமசாமி. இவரை பற்றி சினிமாவில் பல வருடங்களாக பத்திரிகையாளர் இருக்கும் பிஸ்மி அவர்கள் ‘ சீனு ராமசாமியின் உண்மையான முகம் பலருக்கும் தெரியாது. அவர் இயக்கிய ஒரு படத்தில் மனிஷா யாதவ் நடித்தார். அவருக்கு சீனு ராமசாமி கொடுத்த பாலியல் தொந்தரவால் இந்த படமே வேண்டாம் என ஓடிவிட்டார்’ என கூறி சர்ச்சையை கிளப்பி இருந்தார்.
இதற்கு பதிலளித்த சீனுராமசாமி ‘ஒரு சினிமா விழாவில் மனிஷா யாதவ் அவருக்கு நன்றி சொன்ன வீடியோவை பகிர்ந்திருந்தார். ‘தப்பு நடந்தால் எப்படி எனக்கு அவர் நன்றி சொல்வார்?’ என்ற ரீதியில் அவர் இந்த விடியோவை பகிர்ந்து விளக்கம் அளித்திருந்தார். இந்நிலையில், நடிகை மனிஷா யாதவ் ‘ ஓ காதல் கண்மணி படம் தொடர்பான விழா மேடையில் அவர் கொடுத்த பரிசுக்கு நன்றி சொன்னேன்.
அது எல்லோருக்கும் சொல்வதுதான். அதனால் அவர் எனக்கு செய்தது எப்படி மாறும்? 9 வருடங்களுக்கு முன் அவரை பற்றி நான் என்ன சொன்னேனோ, இப்போதும் அதில் உறுதியாக இருக்கிறேன். என்னை மரியாதை குறைவாக நடத்திய ஒருவரின் இயக்கத்தில் நான் ஏன் நடிக்க வேண்டும்? சீனு ராமசாமி உண்மையை ஒத்துக்கொள்ளுங்கள்’ என தனது இன்ஸ்டா பக்கத்தில் பதிவு செய்து அவருக்கு தக்க பதிலடி கொடுத்துள்ளார். இதோ அவரின் பதிவு…
View this post on Instagram