என்னுடைய உண்மையான பெயரே இது இல்ல.. ரசிகர்களுக்கு திடீரென ஷாக் கொடுத்த நடிகை அதுல்யா ரவி..!

தமிழ் சினிமாவில் ஒரு சில திரைப்படங்களில் நடித்திருந்தாலும் ரசிகர்கள் மத்தியில் நீங்காத இடம் பிடித்தவர் தான் நடிகை அதுல்யா ரவி. கடந்த 2017 ஆம் ஆண்டு வெளிவந்த காதல் திரைப்படமான காதல் கண் கட்டுதே திரைப்படம் மூலம் தமிழ் சினிமாவில் நடிகையாக அறிமுகமானார். குறுகிய காலத்திலேயே இளம் ரசிகர்களின் இதயங்களை வென்ற இவர் பக்கத்து வீட்டுப் பெண் போன்ற தோற்றமும் இயல்பான நடிப்பும் அவருக்கு திரையுலகில் ஒரு தனி இடத்தை பிடிக்க உதவியது. அந்த படத்திற்கு பிறகு ஏமாளி, நாடோடிகள் 2, அடுத்த சண்டை, கேப்மாரி மற்றும் முருங்கைக்காய் சிப்ஸ் உள்ளிட்ட பல திரைப்படங்களில் நடித்து தனது திரைப்பட பட்டியலை தொடர்ந்து வளர்த்துக் கொண்டார்.

தற்போது அவர் நடிப்பில் சென்னை சிட்டி கேங்ஸ்டர் என்ற திரைப்படம் உருவாகியுள்ள நிலையில் இந்த திரைப்படம் விரைவில் ரிலீஸ் ஆக உள்ளது. இந்த படத்தின் ப்ரோமோஷன் பணிகள் தீவிரமாக நடைபெற்று வரும் நிலையில் சமீபத்தில் பேட்டியளித்த நடிகை அதுல்யா ரவி பலரும் அறியாத ஒரு உண்மையை பகிர்ந்துள்ளார். அந்தப் பேட்டியில், நான் கல்லூரியில் முதலாம் ஆண்டு முதல் மூன்றாம் ஆண்டு முடிக்கும் வரை காதல் கண் கட்டுதே படத்தில் நடித்தேன். ஆனால் முதலில் அது ஒரு ஷார்ட் பிலிம் என்றுதான் நாலு வருஷமா அந்த படத்துல நடித்தேன்.

அதன் பிறகு தான் ஒரு நாள் போன் பண்ணி அது ஷார்ட் பிலிம் இல்ல படமாக போகுது என்று சொன்னாங்க. உண்மையிலேயே என்னுடைய பெயர் திவ்யா ரவி தான். ஆனா அந்த படம் ரிலீஸ் ஆகுதுன்னு சொன்னப்ப என்னுடைய பெயர் போடுறதுக்கு என்னுடைய இந்த பேர மட்டும் போடாதீங்க கூகுள்ல தேடினால் சீக்கிரம் வர மாதிரி ஒரு பெயரை போடுங்க என்று சொல்லிட்டு காலேஜ் போயிட்ட. வந்து பார்த்தா அதுல்யா ரவி என்று போஸ்டரில் போட்டிருந்தாங்க. அப்புறம் அந்தப் பேரு எனக்கு செட் ஆயிருச்சு என்று அதுல்யா ரவி சமீபத்திய பேட்டியில் பேசியுள்ளார்.