இவ்ளோ காஸ்ட்லியா..? இயக்குனர் பா. ரஞ்சித்துக்கு ஸ்வீட் சர்ப்ரைஸ் கிப்ட் கொடுத்த நடிகர் விக்ரம்… என்னென்னு தெரிஞ்சா அசந்து போயிடுவீங்க..

‘சீயான் விக்ரம்’ என்று ரசிகர்களால் அன்போடு அழைக்கப்படுபவர் நடிகர் விக்ரம். இவர் திரையுலகில் எந்த ஒரு முன் அனுபவமும் இல்லாமல் தனது திறமைகளை வளர்த்துக் கொண்டு முன்னணி நடிகராக தற்பொழுது வலம் வருகிறார். தமிழ், தெலுங்கு, மலையாளம் , ஹிந்தி என பல மொழிகளிலும் நடித்து வருகிறார்.

தேசிய விருது, தென்னிந்திய சர்வதேச திரைப்பட விருது என பலவிருதுகளுக்கு  சொந்தக்காரரும் ஆவார். ‘என் காதல் கண்மணி’ என்ற திரைப்படத்தின் மூலம் தமிழ் திரையுலகில் முதலில் அறிமுகமானார். இதை தொடர்ந்து அவர் சேது, சிறகுகள், விண்ணுக்கும் மண்ணுக்கும், காசி, ஜெமினி, கிங், சாமி, அருள், அந்நியன், பீமா, கந்தசாமி, ராவணன், ராஜபாட்டை என பல திரைப்படங்களில் நடித்துள்ளார்.

அவர் நடிப்பில் கடைசியாக வெளிவந்த திரைப்படம் பொன்னியின் செல்வன். அந்தப் படத்தில் ஆதித்ய கரிகாலனாக நடித்து ரசிகர்களின் வரவேற்பை பெற்றார். இத்திரைப்படத்தை தொடர்ந்து இயக்குனர் பா ரஞ்சித் இயக்கத்தில் ‘தங்கலான்’ திரைப்படத்தில் நடிகர் விக்ரம் நடித்துக் கொண்டு வருகிறார். இத்திரைப்படம் ஸ்டுடியோ கிரீன் செவன் சார்பில் பிரம்மாண்டமான பொருட்செலவில் தயாரிக்கப்பட்டு வருகிறது.

இப்படத்தில் நடிகர் விக்ரமுடன் இணைந்து பார்வதி, மாளவிகா மோகன் என பல முன்னணி நட்சத்திரங்கள் நடித்துள்ளனர். விக்ரம் மற்றும் பசுபதி ஆகியோர் முக்கிய கதாபாத்திரங்களில் நடித்திருக்கின்றனர். இப்படத்திற்கு ஜி.வி.பிரகாஷ்குமார் இசையமைத்துள்ளார். இப்படத்தின் டிரெய்லர் வெளியாகி ரசிகர்கள் மத்தியில் மிகப்பெரும் வரவேற்பை பெற்றது.

இந்நிலையில் இன்று விக்ரம் பா.ரஞ்சித்தை சந்திக்கும் வீடியோ ஒன்று இணையத்தில் வெளியாகி வைரலாகி வருகிறது.  அதில் விக்ரம் பா.ரஞ்சித்திற்கு கையில் பூங்கொத்துடன் ஒரு கிஃப்டும் கொண்டு வந்து கொடுத்திருக்கிறார். அதில் விலையுயர்ந்த கண் கண்ணாடி கருப்பு நிறத்தில் இருந்தது. இதைப்பார்த்த ரசிகர்கள் அட இதுக்குத்தான் இவ்ளோ அலப்பறையா..? என்று கேள்வி எழுப்பி வருகின்றனர்.