கன்னட திரை உலகில் குழந்தை நட்சத்திரமாக அறிமுகமாகி தற்போது முன்னணி நடிகராக ஜொலித்துக் கொண்டிருப்பவர் தான் நடிகர் விஜயராகவேந்திரா. இவர் குழந்தை நட்சத்திரத்திற்கான தேசிய விருது பெற்றுள்ளார். கடந்த 2007 ஆம் ஆண்டு போலீஸ் அதிகாரி சிவராம் என்பவரின் மகள் ஸ்பந்தனா என்பவரை இவர் திருமணம் செய்து கொண்ட நிலையில் இந்த தம்பதிகளுக்கு ஒரு ஆண் குழந்தையும் உள்ளது. இவரின் மனைவி கடந்த 2016 ஆம் ஆண்டு வெளியான அபூர்வா என்ற திரைப்படத்தில் ஒரு கெஸ்ட் ரோலில் நடித்திருந்தார்.
தொடர்ச்சியாக திரைப்படங்களில் நடித்து வந்த விஜயராகவேந்திரா கடந்த சில நாட்களுக்கு முன்பு குடும்பத்துடன் ஓய்வு எடுப்பதற்காக தாய்லாந்து சுற்றுலா சென்றுள்ளார். மகிழ்ச்சியாக இருப்பதற்கு சுற்றுலா சென்ற இடத்தில் அவரின் மனைவிக்கு திடீரென மாரடைப்பு ஏற்பட்டுள்ளது. உடனே அங்குள்ள மருத்துவமனையில் சிகிச்சைக்காக அனுமதித்த நிலையில் அவர் இன்று சிகிச்சை பலனின்றி உயிரிழந்தார்.
சுற்றுலா சென்ற இடத்தில் பிரபல நடிகரின் மனைவி மாரடைப்பால் உயிரிழந்த சம்பவம் திரையுலகினர் மத்தியில் சோகத்தை ஏற்படுத்தியுள்ளது. அவரின் மறைவுக்கு திரை பிரபலங்கள் மற்றும் ரசிகர்கள் உள்ளிட்ட பலரும் இரங்கல் தெரிவித்து வருகிறார்கள்.