பான் இந்தியா நடிகராக மாறி விட்ட நடிகர் விஜய் சேதுபதி தமிழில் மட்டுமின்றி தெலுங்கு இந்தி என பல மொழிகளில் நடித்து வருகிறார். அவரது நடிப்பில் உருவான டிரெயின் படம் விரைவில் திரைக்கு வர உள்ளது. இப்போது நடிகர் விஜய் சேதுபதி தெலுங்கு பட இயக்குனர் பூரி ஜெகநாதன் இயக்கத்தில் ஸ்லம்டாக் 33 டெம்பிள் ரோடு என்ற படத்தில் நடித்து வருகிறார். இந்நிலையில் இந்தியில் நித்திஷ் திவாரி இயக்கத்தில் ரன்வீர் கபூர் – சாய்பல்லவி நடித்துவரும் இராமாயணம் என்ற படத்தில் விஜய் சேதுபதி நடிப்பதாக ஒரு தகவல் பரவியது.
அதில் இராவணனின் தம்பி விபீஷணன் கேரக்டரில் விஜய் சேதுபதி நடிக்க கமிட்டாகி இருப்பதாகவும் கூறப்பட்டது. இதனை நடிகர் விஜய் சேதுபதி மறுத்துள்ளார். ஒரு நிகழ்ச்சியில் பேசிய நடிகர் விஜய் சேதுபதி இதுகுறித்து கூறுகையில், நான் அந்த படத்தில் நடிக்கவில்லை. இதுபோன்ற தகவல் எப்படி பரவியது யார் சொன்னது? என்று கூட எனக்கு தெரியவில்லை என்று நடிகர் விஜய் சேதுபதி கூறியிருக்கிறார்.