தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் திமுகவுக்கு ஒரே போட்டியாக தற்போது விஜய் தான் களத்தில் நிற்கின்றார். பெரும்பாலான இளைஞர்கள் விஜய்க்கு சாதகமாக துணை நிற்கும் நிலையில் திமுக தனது கூட்டணியை பலமாக வைத்துக் கொண்டு இந்த முறை ஆட்சியை கைப்பற்ற பல வியூகங்களை வகுத்து வருகின்றது. ஆனால் விஜய் அதிமுகவின் மூத்த நிர்வாகி செங்கோட்டையன் தனது கட்சியில் இணைந்த பிறகு மாற்றுக் கட்சியினரை தங்கள் கட்சியில் இணைக்கும் பணியில் தீவிரம் காட்டி வருகின்றார். குறிப்பாக அதிமுகவை சேர்ந்த பலரும் விஜய் கட்சியில் இணைந்த வண்ணம் உள்ளனர்.
அண்மையில் அதிமுகவை சேர்ந்த பல தலைவர்கள் தமிழக வெற்றி கழகம் கட்சியில் இணைந்த நிலையில் இன்று திமுகவை சேர்ந்த முக்கிய நிர்வாகிகளும் விஜய் முன்னிலையில் தமிழக வெற்றிக்கலகம் கட்சியில் இணைய உள்ளதாக தகவல் வெளியாகி உள்ளது. அதாவது பிரபல நடிகரும் எழுத்தாளருமான வேலராம மூர்த்தி தமிழக வெற்றிக்கழகம் கட்சியில் இணைய உள்ளதாக கூறப்படுகிறது. அவருடைய வருகை கட்சிக்கு கலாச்சார மற்றும் சித்தாந்த ரீதியான வலுவை அளிக்கும் என அரசியல் வட்டாரங்கள் தெரிவிக்கின்றனர்.