இது பெரிய தில்லாலங்கடி வேலையா இருக்குதே? தயாரிப்பாளர்களை நூதனமாக ஏமாற்றும் பிரபல கன்னட நடிகர்!

கன்னட சினிமாவில் முன்னணி நடிகர் கிச்சா சுதீப். தமிழில் புலி உள்ளிட்ட சில படங்களில் நடித்திருக்கிறார். கடந்தாண்டில் தயாரிப்பாளர் தாணு தயாரிப்பில் கிச்சா சுதீப் நடித்த மேக்ஸ் என்ற படம் பெரிய வெற்றியை பெற்றது. இப்போது கிச்சா சுதீப் நடித்த மார்க் என்ற படம், கடந்த 25ம் தேதி கன்னட மொழியில் ரிலீஸாகி நல்ல வரவேற்பை பெற்றுள்ளது. ஆனால் இந்த படம் தமிழில் ஜனவரி முதல் வாரத்தில் வெளியாகும் என்று கூறப்படுகிறது.

இந்நிலையில் கிச்சா சுதீப் பற்றிய ஒரு முக்கிய தகவல் வெளியாகி உள்ளது. அதாவது நடிகர் கிச்சா சுதீப் சமீபகாலமாக அவர் நடிக்கும் பெரிய பட்ஜெட் படங்களுக்கு தயாரிப்பாளரிடம் சம்பளம் வாங்குவது இல்லை. அதற்கு பதிலாக கன்னட மொழியில் அந்த படத்தை வெளியிடும் முழு உரிமையை பெற்றுக் கொள்கிறார். கடந்த ஆண்டில் தயாரிப்பாளர் தாணு தயாரிப்பில் சுதீப் நடித்த மேக்ஸ் படம் கன்னடத்தில் வெளியாகி பெரிய லாபத்தை அவருக்கு கொடுத்தது.

அந்த படம் தமிழில் சரியாக போகாததால் தயாரிப்பாளர் தாணுவுக்கு பலத்த நஷ்டம் ஏற்பட்டது. இப்போது மார்க் படத்திலும் அதே பார்மூலாவை நடிகர் கிச்சா சுதீப் பாலோ அப் செய்திருக்கிறார். அதாவது மார்க் படம் கடந்த 25ம் தேதி கன்னட மொழியில் வெளியாகி பலத்த லாபத்தை கிச்சா சுதீப்புக்கு தந்து வருகிறது. ஆனால் தமிழில் அந்த படம் வெளியாகி நல்ல வசூல் கிடைத்தால்தான் படத்தை தயாரித்த சத்யஜோதி பிலிம்ஸ் நிறுவனத்துக்கு லாபம் கிடைக்கும்.

ஒருவேளை கன்னடத்தில் பெரிய வெற்றியை பெற்ற மார்க் படம் தமிழில் சரியாக போகவில்லை என்றால், சத்யஜோதி பிலிம்ஸ் நிறுவனம் நஷ்டத்தை தான் சந்திக்க வேண்டும். இப்படி தமிழ் சினிமா தயாரிப்பாளர்களை முதலீடு போட்டு தனது படங்களை தயாரிக்க வைத்து அந்த படங்களை கன்னட மொழியில் நடிகர் சுதீப்பே சொந்தமாக வெளியிட்டு கணிசமான லாபமடைந்து வருகிறார் என்பது குறிப்பிடத்தக்கது.