என்னை மதிக்கலே… பேசக்கூட விடலே… தள்ளி வெச்சாங்க… நிறைய அவமானப்பட்டேன் – நடிகர் சிவகார்த்திகேயன் ஆவேசம்!

தமிழ் சினிமாவில் இப்போது நட்சத்திர நடிகராக வலம் வருபவர் சிவகார்த்திகேயன். அவரது நடிப்பில் அடுத்து வெளிவர உள்ள பராசக்தி படம் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியிருக்கிறது. குறிப்பாக விஜய் நடித்த ஜனநாயகன் படத்துடன் பராசக்தி படம் இந்த முறை பொங்கல் களத்தில் மோதுகிறது. இந்நிலையில் பராசக்தி பட பிரமோஷன்களில் படக்குழு ஆர்வம் காட்டி வருகிறது.

சமீபத்தில் ஒரு நிகழ்ச்சியில் பங்கேற்றுப் பேசிய நடிகர் சிவகார்த்திகேயன் கூறியதாவது, நான் சினிமாவில் நடிக்க வந்த ஆரம்ப காலத்தில் என்னோட சில படங்கள் தோல்வி அடைந்தது. அதனால் எனக்கு பெரிய கடன் சுமை இருந்துச்சு. அப்போது என்னை சுற்றி இருந்த பல பேர் என்னை மதிக்காமல் தள்ளி வச்சாங்க.

மேடைகளில் என்னை பேசக்கூட விடாமல் தடுத்தாங்க. ஆனால் அந்த அவமானங்கள் தான் என்னை தூங்க விடாமல் உழைக்க வைத்தது. இன்னைக்கு நான் ஒரு நல்ல நிலைமையில் இருக்கேன்னா அதுக்கு அந்த தோல்விகளும் அவமானங்களும் தான் முக்கிய காரணம் என்று நடிகர் சிவகார்த்திகேயன் அந்த நிகழ்ச்சியில் ஆவேசமாக பேசியிருக்கிறார்.