நடிகர் சிலம்பரசன் 40 வயதுகளை கடந்தும் இன்னும் திருமணம் செய்யாமல் முரட்டு சிங்கிளாக வலம் வருகிறார். இந்நிலையில் அவருக்கு திருமணம் என்று அடிக்கடி தகவல் பரவி பின்பு அது வதந்தி என தெரிந்து ரசிகர்கள் ஏமாற்றம் அடைவது தொடர்ந்து வருகிறது. இதற்கிடையே தனது திருமணம் குறித்த கேள்விக்கு நடிகர் சிம்பு பதில் சொன்ன ஒரு வீடியோ தற்போது இணையத்தில் வைரலாகி வருகிறது.
அந்த வீடியோவில் நடிகர் சிம்பு கூறியிருப்பதாவது, இன்றைக்கு மொபைல் போன்கள் வந்த பிறகு மனித உணர்வுகள் மாறிவிட்டன. எவ்வளவு வேகத்தில் காதலிக்கிறார்களோ அதே வேகத்தில் பிரியவும் செய்கிறார்கள். எல்லாமே வேகவேகமாய் நடக்கிறது. அதே நேரத்தில் ஆழமான உறவுகள் இப்போதும் இருந்து கொண்டு தான் இருக்கிறது.
என்னை பொறுத்தவரை திருமணம் என்பது கட்டாயம் இல்லை. மனதளவில் நாம் தயாராக இருக்கும்போது மட்டுமே அதை செய்து கொள்ள வேண்டும். இந்த சமூகத்தை திருப்தி படுத்த வேண்டும் என்பதற்காக நான் ஒருபோதும் திருமணம் செய்து கொள்ளவே மாட்டேன் என்று நடிகர் சிம்பு அந்த வீடியோவில் கூறியிருக்கிறார். இப்போது சிம்பு வெற்றிமாறன் இயக்கத்தில் அரசன் என்ற படத்தில் நடித்து வருகிறார்.