தமிழ் சினிமாவில் நகைச்சுவை நடிகராக தன்னுடைய சினிமா வாழ்க்கையை தொடங்கியவர் தான் நடிகர் சந்தானம். தற்போது இவர் வளரும் ஹீரோவாக இருக்கிறார். அதுவும் விஜய் டிவியில் மிகவும் பாப்புலரான நிகழ்ச்சியில் ஒன்றுதான் லொள்ளு சபா. 90ஸ் கிட்ஸ்களுக்கு மிகவும் பிடித்த நிகழ்ச்சி என்று கூறலாம். அடுத்த வாரம் ரிலீஸ் ஆகக்கூடிய படங்கள் அனைத்தையும் காமெடியாக சித்தரித்து தொகுத்து வழங்குவது தான் இந்த நிகழ்ச்சியின் நோக்கம். இந்த நிகழ்ச்சிக்கு மிகப்பெரிய ரசிகர்கள் கூட்டம் இருந்தது.
அந்த நிகழ்ச்சியில் நடித்த நடிகர்கள் தான் இன்றைய சினிமாவில் பல முக்கிய அந்தஸ்தை பெற்ற நடிகர்களாக உள்ளனர். அவர்களில் சந்தானம், யோகி பாபு மற்றும் சுவாமிநாதன் ஆகிய நடிகர்களும் அடங்குவார்கள். தமிழ் சினிமா உலகில் கவுண்டமணி, செந்திலுக்கு பிறகு காமெடியில் தனக்கென ஒரு இடத்தை பிடித்தவர் நடிகர் சந்தானம். இப்படி காமெடியனாக டாப் கியரில் சென்று கொண்டிருந்த இவருக்கு திடீரென்று ஹீரோவாக நடிக்கும் ஆசை வந்தது.
அதனால் அறை எண் 305-ல் கடவுள் ,கண்ணா லட்டு தின்ன ஆசையா, இனிமே இப்படித்தான் என்ற நகைச்சுவை படங்களை ஹீரோவாக நடித்தார். அவருடைய இந்த முடிவு கைகொடுக்கவில்லை என்று தான் சொல்ல வேண்டும். ஹீரோவாக அவர் நடித்த ஒரு சில படங்கள் மட்டுமே நல்ல வரவேற்பு பெற்றது. இவர் காமெடி படங்களின் நடிப்பதை நிறுத்திய பிறகு தமிழ் சினிமாவில் காமெடிக்கு பஞ்சம் ஏற்பட்டது என்றே சொல்லலாம். சமீபத்தில் ரிலீசான மதகஜராஜா படம் மூலமாக அது அப்பட்டமாக தெரிந்தது.
சந்தானம் என்ற காமெடி நடிகர் கோலிவுட் எவ்வளவு மிஸ் பண்ணியது என்பதை உணர்த்தியது. தற்போது டிடி ரிட்டன்ஸ் படத்தின் இரண்டாம் பாகத்தில் நடித்து வருகிறார் சந்தானம். இந்த படத்தை ஆர்யா தயாரித்துள்ளார். சந்தானம் இன்று தன்னுடைய 45வது பிறந்த நாளை கொண்டாடுகிறார். அவருடைய சொத்து மதிப்பு குறித்த தகவல் வெளியாகியுள்ளது. அதன்படி சந்தானம் ஒரு படத்தில் ஹீரோவாக நடித்த 15 கோடி சம்பளம் வாங்கி வருகிறார். அவருடைய சொத்து மதிப்பு 80 முதல் 90 கோடி இருக்கும் என்று கூறப்படுகிறது. அதுமட்டுமின்றி இவருக்கு சென்னையில் சொந்தமாக சொகுசு பங்களா உள்ளது. அதுமட்டுமின்றி பல்வேறு ஆடம்பர காரும் சொந்தமாக வைத்துள்ளார்.