நடிகர் சிவகார்த்திகேயன் நடிப்பில் உருவான பராசக்தி திரைப்படம் வருகிற 10ம் தேதி பொங்கலுக்கு வெளியாக உள்ளது. இதற்கிடையே பராசக்தி படத்தின் இசை வெளியீட்டு விழா சென்னையில் நேற்றிரவு நடந்தது. இந்த படத்தில் வில்லன் கேரக்டரில் நடித்துள்ள நடிகர் ரவி மோகன் இந்த விழாவில் கலந்து கொண்டார். அப்போது நடிகர் ரவி மோகன் பேசியதாவது, பராசக்தி படத்தில் நான் நடித்ததற்கு இரண்டு முக்கியமான காரணங்கள் உள்ளன.
முதலில் இது சுயமரியாதையை பேசுகின்ற ஒரு திரைப்படம். என் சொந்த வாழ்க்கையில் இருந்து சுயமரியாதை எவ்வளவு முக்கியம் என்பதை கற்றுக் கொண்டேன். நீங்கள் யாரும் உங்கள் சுயமரியாதையை மட்டும் இழக்க வேண்டாம். இன்னொரு காரணம் இயக்குனர் சுதா கொங்கரா. இந்த படம் பலரின் கடுமையான உழைப்பால் தங்கம் போல உருவாகி இருக்கிறது என்று நடிகர் ரவி மோகன் பேசியிருக்கிறார். இது தற்போது இணையத்தில் வைரலாகி வருகிறது.