Connect with us

CINEMA

MGR, பாகவதரை விட அதிக வசூல்… தமிழ் சினிமாவில் சாதனைப் படைத்த பிரபல நடிகரின் படம்.. பலரும் அறியாத தகவல்

தமிழ் சினிமாவின் தொடக்க காலத்தில் படங்கள் தயாரிப்பதில் ஸ்டுடியோக்களின் ஆதிக்கம்தான் நிலவியது. ஜெமினி ஸ்டுடியோ, ஏவிஎம் ஸ்டுடியோ, வாஹினி ஸ்டுடியோ, மாடர்ன் தியேட்டர்ஸ் ஆகிய நிறுவனங்கள் தயாரித்த படங்கள் என்றாலே மக்கள் மத்தியில் நல்ல எதிர்பார்ப்பு நிலவியது. அந்த காலத்தில் இத்தகைய ஸ்டுடியோக்கள் ஒரு பிராண்டாக இருந்தன.

இதில் ஜெமினி ஸ்டுடியோ அதிபர் எஸ் எஸ் வாசன் மிகவும் தனித்துவமானவர். டெக்னாலஜி எதுவும் வளராத காலகட்டங்களில் காட்சி நன்றாக வரவேண்டும் என்பதற்காக பல லட்சங்கள் செலவழித்து, பிரம்மாண்ட செட் அமைத்து தனது படங்களை எடுப்பார். தன் படத்தைப் பார்க்கும் ரசிகர்கள் அதன் நிறை குறைகளை பேசுவதை விட பிரம்மாண்டத்தைப் பார்த்து வாயடைக்க வேண்டும் என நினைப்பவர்.

   

அப்படி அவர் எடுத்த சந்திரலேகா, ஔவையார், மங்கம்மா சபதம் ஆகிய திரைப்படங்கள் இந்தியா முழுவதும் பேயோட்டம் ஓடின. இதில் மங்கம்மா சபதம் திரைப்படம் ஆக்‌ஷன் காட்சிகளுக்காகவே அதிக நாட்கள் ஓடிய படம். இந்த படம் வந்த போது தமிழ் சினிமாவில் அதுவரை எந்தவொரு திரைப்படமும் பண்ணாத வசூலை செய்ததாக சினிமா பத்திரிக்கையாளர் சித்ரா லட்சுமணன் ஒரு நேர்காணலிலே தெரிவித்துள்ளார்.

#image_title

இந்த படம் வெளியாகி ஓடிய போது 40 லட்சம் ரூபாய் வசூல் செய்ததாம். இந்த படத்தில் ரஞ்சன் கதாநாயகனாக நடித்திருந்தார். இந்த படத்தின் வெற்றியால் ரஞ்சனுக்கு இந்தி சினிமாவில் எல்லாம் வாய்ப்புக் கிடைத்து அங்கு சில படங்களில் நடித்தார். இதே ரஞ்சன்தான் சந்திரலேகா படத்திலும் கொடூரமான வில்லனாக நடித்திருப்பார்.

இந்த படம்தான் தமிழ் சினிமாவில் அன்றுவரை அதிக வசூல் செய்த படமாக அமைந்ததாம். அதற்கு முன்னர் சூப்பர் ஸ்டாராக இருந்த தியாகராஜ பாகவதரின் படம் கூட இவ்வளவு தொகை வசூலித்தது இல்லையாம். அப்படி ஒரு பென்ச் மார்க்கை இந்த படம் செட் செய்துள்ளது.

Continue Reading

More in CINEMA

To Top