தமிழ் சினிமாவில் இன்றுள்ள வசூல் மன்னன்களில் முன்னணியில் இருப்பவர் நடிகர் அஜித். அமராவதியில் ஆரம்பித்த அவரின் திரைப் பயணம் இன்று விடாமுயற்சியில் உச்சத்தைத் தொட்டுள்ளது. முதலில் காதல் படங்களில் சாக்லேட் பாயாக வலம் வந்த அஜித் தீனா உள்ளிட்ட படங்களுக்கு பிறகு ஆக்ஷன் ரூட்டுக்கு மாறினார்.
90 களில் சாக்லேட் பாயாக வலம் வந்த அஜித் பல காதல் படங்களில் நடித்து பெண்களின் ஆசைநாயகனாக இருந்தார். இடையில் அவர் சில் காதல் கிசுகிசுக்களிலும் சிக்கினார். தன்னோடு இணைந்து நடித்த நடிகை ஹீராவை அவர் காதலித்ததாக அப்போது தகவல்கள் வெளியாகின. இருவரும் ஒன்றாக பல இடங்களுக்கு சேர்ந்து சுத்துவதாகவும் கிசுகிசுக்கள் அப்போது பரவின. இதை இருவருமே மறுக்கவில்லை.
ஆனால் ஒரு கட்டத்தில் அவர்களின் காதல் பிரிந்தது. இதனால் சில ஆண்டுகள் அஜித் சினிமாவில் சரிவர கவனம் செலுத்தாமல் இருந்தார். அப்போது அமர்க்களம் நடித்த போது ஷாலினி மீது அஜித் காதல் வசப்பட்டு அவரிடம் ப்ரபோஸ் செய்தார். ஷாலினியும் அவர் குடும்பமும் சம்மதித்த பிறகு இருவரும் திருமணம் செய்துகொண்டு வாழ்ந்து வருகின்றனர்.
இந்நிலையில் அமர்க்களம் படத்தின் போது அஜித், ஷாலினி மேல் காதல்வசப்பட்டிருந்த நிலையில் அந்த படத்தில் முக்கிய வேடத்தில் நடித்த நடிகர் ரமேஷ் கண்ணா அஜித்திடம் சினிமா நடிகையைக் காதலிக்க வேண்டாம் என அட்வைஸ் செய்துள்ளார். இதுபற்றி அவர் பகிர்ந்துள்ள தகவலில் “நான் அப்போது அஜித்திடம் சென்று சினிமாவில் நடிக்கும் பெண்ணெல்லாம் நமக்கு செட் ஆகாது அஜித். வீட்டுல பொண்ணு பாக்க சொல்லி சீக்கிரம் கல்யாணம் பண்ணிக்கோ” எனக் கூறினேன்.
என் பேச்சை அஜித் கேட்டுக் கொண்டிருந்தாலும், அவர் லுக் எல்லாம் ஷாலினி மேல் இருந்துள்ளது. அப்போது படத்தின் இயக்குனர் சரண்தான் என்னை அழைத்து அஜித்தும்-ஷாலினியும் காதலிக்கிறார்கள் எனக் கூறினார். அதைக் கேட்டு நான் ஷாக் ஆகிவிட்டேன்” எனக் கூறியுள்ளார்.