சிவாஜி விழாவுக்கு வந்த ஜெயலலிதா… பகிரங்கமாக மேடையில் எச்சரித்த ரஜினிகாந்த் – பிரபலம் சொன்ன பகீர் சம்பவம்!

கடந்த 1990களில் நடிகர் ரஜினிகாந்துக்கும் அன்றைய முதல்வர் ஜெயலலிதாவுக்கும் இடையே ஒரு மறைமுக மோதல் போக்கு இருந்து வந்தது. அதுகுறித்து மூத்த பத்திரிகையாளர் அந்தணன் சமீபத்தில் ஒரு நேர்காணலில் பேசியிருக்கிறார். அப்போது அந்தணன் கூறியதாவது. நடிகர் திலகம் சிவாஜிக்கு செவாலியே விருது கொடுக்க முடிவு செய்து பிரான்ஸ் நாட்டிலிருந்து இங்கே விருதை கொண்டு வந்தார்கள்.

சென்னையில் உள்ள ஒரு ஆடிட்டோரியத்தில்தான் இந்த விழாவை நடத்தினார்கள். அப்போது ஜெயலலிதாதான் முதலமைச்சர். ஒட்டுமொத்த திரையுலகமும் அந்த விழாவிற்கு வந்துவிட்டார்கள். கங்கை அமரனின் இசைக் கச்சேரி ஒருபுறம் நடந்து கொண்டிருந்தது. ஆனால் நீண்ட நேரம் ஆகியும் ஜெயலலிதா விழாவுக்கு வரவில்லை. இதனால் சிவாஜி ரஜினி உள்ளிட்டோர் எல்லாம் கடுப்பாகி விட்டார்கள். ஒருவழியாக ஜெயலலிதா விழாவுக்கு வந்துவிட்டார். அனைவருமே எழுந்து நின்று வணக்கம் சொன்னார்கள்.

ஆனால் ரஜினி சட்டென்று முகத்தை திருப்பிக் கொண்டார். அதுவே எல்லாருக்கும் பெரிய ஷாக் ஆகிவிட்டது. அதைத் தொடர்ந்து விழாவில் பேசிய ரஜினி, ஜெயலலிதாவை பார்த்து அவர் லேட்டாக வந்ததை குறிப்பிட்டு, இங்கே பாருங்க இதெல்லாம் எனக்கு பிடிக்காது என்று விரலை உயர்த்தி பேசினார். அப்போது எல்லோருமே உச்சகட்ட அதிர்ச்சியாகி விட்டார்கள். ஏனென்றால் ஜெயலலிதாவை பார்த்து எல்லோருமே தொடை நடுங்கிக் கொண்டிருந்த காலம் அது என்று அந்தணன் அந்த நேர்காணலில் கூறியிருக்கிறார்.